DÍLI----Governu da ualu liuhusi Ministeriu Solidariedade Sosial no Inkluzaun (MSSI) ho Ministeriu Administrasaun Estatal (MAE) Aprova ona orsamentu Millaun $2.519,400.00, atu halo pagamentu apoiu monetariu ba agregadu familiar ne’ebe mak antes seidauk simu subsidiu $200 ka reklamante ne’ebe mak seidauk hetan iha territoriu tomak hamutuk uma-ka’in 12.597, iha loron 8 fulan Janeiru 2021.

Tuir Vise-Ministra Solidariedade Sosial No Inklusaun (MSSI) Signi Chandrawati Verdial hatete iha loron 8 fulan Janeiru tinan ne’e, Governu sei halo pagamentu subsidiu segundu faze ba reklamante hamutuk 12.597 ho orsamentu millaun $2.519,400.

“Pagamentu faze Segundu, partikularmente ba sira ne’ebé tama iha Lista Reklamante sei halo Iha Ioron 8 Janeiru, iha teritoriu tomak Hamutuk ema Rihun Sanulu Resin Rua Atus Lima Sianulu Resin Hitu (12.597), kada ema mak sei simu sira nia osan dolar atus rua ($200). Governu aprova tiha ona osan Mlliaun $2.519,400.00 ne'ebé koresponde ba numeru ne’ebé haktemin,” Hatete  Vise-MSSI Signi C. Verdial liuhusi Press Komferensia ba Jornalista Iha Salaun MSSI, Kaikoli, Tersa (05/01).

Nia hatutan, Hakarak fo hatene katak montante osan refere inklui pagamentu ba reklamante sira iha RAEOA. Maibe, tanba teritoriu RAEOA tomak iha hela Lockdown, Nune’e, pagamentu ba reklamante sira iha Oe-cusse sei hein to’o lockdown remata.

Nia dehan, MSSI nia Ekipa Pagamentu sei to’o iha suku sira ne’ebé Iha rejiztu reklamante. Sira sei desloka iha loron 7 Janeiru. Nune’e, husu nafatin ba lideransa komunitaria, autoridade lokal ho PNTL atu apoiu ekipa ne’e nia servisu to’o hotu.

Entretantu, Diretór Jerál Solidariedade Sosial no Inkluzaun em exersisiu Florencio Pina Dias Gonzaga haktuir katak, Transporte hotu-hotu preparadu hamutuk 66 ne’ebé kalkula ba utiliza ba iha prossesu pagamentu ida  ne’e no hotu-hotu organizadu hein loron 7 fulan ne’e aranka ba Munisipiu.

“Kareta 51 mai husi patrimonio estadu no patrimonio estadu mak organiza karik mai husi linas ministeriu ida ne’ebé kompetensia patrimonio estadu, MSSI Simu husi Patrimonio estadu 51, MSSI prepara transporte 15, ”hatete Diretór Jerál SII em exersisiu Florencio Pina Dias Gojaga ba Jornalista sira iha Press Komferensia salaun MSSI kaikoli.

Nia Hatutan, Viatura ne’ebe mak utiliza ba prossesu pagamentu agora hamutuk 76 MSSI hetan apoiu husi patrimonio esatdu hamutuk 51, MSSI iha transporte rasik kada munispiu ida hamutuk sanulu resin tolu ba munisipiu 12 inklui RAEOA hamutuk 13, sei apoiu tan transporte husi MSSI rasik atu kompleta tranporte sira ne’ebé mak presiza oinsa assesu pagamentu, ita iha ona kordenasaun ho parte patrimonio estadu.

“Kareta ne’ebé mak ita presiza sira update mai ona ho naran motorista Kompletu parte financas prepara ona sira nia Dokumentu balun ne’ebé relevante atu halao, iha loron 6 fulan ne’e asuntus teknikus hotu-hotu ramata, iha loron 7 hahu aranka ba munisipiu, no ekipa ne’ebé mak responsavel iha suku no sei iha loron 8 xefe suku sei mai foti osan iha banku kontinua kedas ho pagamentus.” Haktuir nia.

Ministeriu solidaridade Sosiál no inklusaun (MSSI) sei la aluga tan tranporte seluk hanesan iha faze primeiro pagamentus ba Populasaun sira, maibe MSSI uza rasik  kareta estadu nian de’it, tanba populasaun maioria mak  hetan ona, atu kompleta de’it ba faze primeiru ne’ebé naran reklamante sira la sai.

“Hakarak mos aproveita momentu ida ne’e hodi apela ba benefisiariu sira ne’ebé ho rendimentu liu dollar atus lima ($500) maibe simu liu ona osan $200 ne'e, favor ba depozita lalais iha Sukursal BNCTL nian sira iha Suku hotu. Favor halo tuir sirkular ne'ebé fo-sai tiha ona iha Ioron 17 Dezembru 2020 kona-ba Mekanizmu Redepozitu Apoiu Monetariu ba Agregadu Familiar nian,” Esplika nia. 

Nia Haktuir katak, Governu Husu ba Organizasaun Sosiedade Sivil, Provedor Direitos Humanos no Justica ho Comisaun Anti Corupsaun (CAC) atu kontinua apoiu tau-matan ba programa ida ne’e. 

“Nune’e mos husu populasaun tomak atu kontinua vizilansia total, kumpri avizu sira ne'ebé ita-nia Ministériu Saude fo sai ona. Fase Liman, Uza Maskra, Distansiamentu Sosial. Ho Maromak nia tulun, ita hotu sei seguru hosi Surtu Covid-19,” Informa nia. (BT)