DÍLI----Profill ne’ebé mak apoiu husi UNICEF hodi tau iha fatin publiku atu populasaun sira wainhira movimenta ba negosiante sira sosa sasan uza hodi fase liman maibe paradu kuaze fulan ida la ense bee. Tuir observasuan jornalista Business Timor (BT) iha terenu, iha fatin Fa’an Ai-Fuan Natural, Lecidere, tanke profill ne’e kuaze fulan ida la ense bee iha laran iha estadu emerejensia da-Ualu nian laran depois agora tama ba dasia maibe nafatin mamuk.

Iha Negosiante ida lafo hatete naran dehan katak, “Profill ne’e tau iha ne’e maibe fulan ida ona la ense bee no kompradores sira mai sosa ai-fuan iha ne’e, la fase liman no la tuir regras ne’ebé mak fó sai husi OMS atu prevene Covid-19 ne’ebé mak nasaun hotu-hotu afetadu,” Esplika nia.

Entretantu, Kondutor ekipa ense bee husi Diresaun SAS Nazario Da Silva Moreira, hatán ba problema la ense bee ba tanki refere durante fulan ida nia laran tanba kareta mak Paradu, nune’e la ense bee fulan ida.

“Ami obriga-an sobu kareta nia Bulante a’at ne’e hodi lao fila-fali tanba, dadaun ne’e iha estadu emerejensia dasia ne’e kazu positivu Covid-19 dadaun sae tiha ona ba na’in-15, tanba ne’e mak ami buka maneira hodi ense,” Hateten Kondutor ekipa ense bee husi Diresaun SAS Nazario Da Silva Moreira ba Jornalista BT, iha Fatin Fa’an Ai-Fuan Natural Lecidere, Segunda (04/01).

Tuir Kondutor husi SAS Kareta Bombeirus tula bee ba tau iha profill sira ne’ebé mak prepara husi ajensia sira tau iha fatin publiku iha Díli laran ne’e, kareta rua de’it mak lori ba tau iha fatin Publiku hanesan Merkadorria sira hensan Taibesi, Tasi-Tolu, Bekora no sira seluk. Nia Dehan, Tanke bee ne’e lor-loron ense dala ida, tanba bee ne’ebé mak ense hodi fasilita kompradores sira fase liman hafoin atu ba kompras negosiante sira nian sasan atu prevene Covid-19 ne’ebé mak dadaun ne’e Nasaun hotu-hotu afetadu inklui Timor-Leste rijistu ikas kazu foun ba na’in-15. (BT)