DÍLI----Tuir Xefe Suku Wabubu Postu administrativu Ossú, Munisipiu Vikeke, Jaonico Maria Alves da Cruz hateten komunidade nia hakarak iha tinan 2021 bele halo buat ruma iha suku laran maibé hanesan membru governu tun direita ba iha baze para haree saida mak komunidade sira hasoru difikuldade iha baze. Tanba povu sira nia difikuldade inrfaestrura hanesan, estrada ne’ebé a'at, klinika ne’ebé laiha hanesan xefi suku nia uma ida uza ba postu saúde no komunidade seidauk asesu ba eletrisidade.

“Ezizensia ida ne’e laos ha’u nu’udar xefe suku deit, maibé komunidade nia hakarak ne’e mos iha tinan 2021 bele halo buat ruma iha suku ne’eba, ne’ebé labele dehan katak ami koalia deit maibé hanesan membru governu sira ne’e balun bele to’o iha ne’eba para haree saida lolos mak komunidade sira hasoru difikuldade iha baze ne’eba para hodi nune’e baut ne’ebé ami koalia ne’e los hanesan ne’e ka lae, no povu presiza duni ida ne’e ka lae, difikuldade sira ne’e ami koalia maibé ami koalia deit iha ne’e maibé iha leten la tun ba baze mos hanesan deit,” Xefe Suku Wabubu Joanico Maria Alves de Jesus, ba jornalista BT hafoin tuir formasaun iha CCD Merkadu Lama Díli, Tersa (22/12).

Nia hatutan, Difikuldade ne’ebé mak suku Wabubu hasoru mak infraestrutura kuandu lao diak povu mos kontenti maibé realidade ne’ebé iha baze estrada sei at nafatin. “Difikuldade ne’ebé mak ami hasoru iha suku Wabubu ne’e sai difikuldade katak infraestrutura kuandu lao diak povu mos kontenti buat hotu bele lao ho diak katak agora dadauk realidade ne’ebé iha baze mak ne’e, ida mak estrada ne’e ha’u halo ona maibé ne’e iha estrada nasionál presiza tama ba area remotas ka suku sira ne’e,” dehan Xefe suku

Nia informa, Ida mak postu saúde balun ne’ebé la iha hanesan uza ha’u nia uma hodi tau postu saúde iha ne’eba atu halo atendimentu ba komunidade, ida tan fali mak ita koalia kona ba atu haruka ita oan sira ba aprende, maibé ba aprende iha eskola mai fali iha uma eletrisidade la iha mos hanesan deit, oinsa mak sira bele atu aprende ho diak tanba mai iha iha uma ne’e nakukun.

Nia esplika Iha eskola atu aprende diak liu tan tenki eskola fatin mos eletrisidade la iha, oinsa mak ita atu bele ko’alia kona ba teknolojia uza digital ne’e mos labele, tanba ita nia oan sira hanesan lao iha fatin deit, entaun presiza tau importansia mos ba ida. “Kona ba dezemvolviemntu agrikultura ninian ida ne’e mos presiza tau matan ba ita nia komunidade sira iha ne’eba hakarak promove sira nia produtu sira iha ne’eba, maibé la iha ema ida para atu sosa nain ba sira nia produtu sira ne’e, oinsa mak sira bele iha motivasaun para atu bele habarak tan sira nia produtu sira ne’e no dala ruma ita la tau atensaun ba ida ne’e,” dehan Joanico

Nia haktuir, Entaun hanesan uluk ita nia produtu lokal hanesan talas ka hudi sira ne’e bele sai lakon tiha deit tanba ema hotu-hotu garantia katak fos mai ona entaun hotu-hotu halai ba hola fos, tanba ne’e mak ba iha area sira ne’e presiza ita tau importansia ba buat sira ne’e.

Kona ba eletrisidade proposta ne’e iha tinan 2003 kedas hatama ba iha EDTL maibé ita komprende katak problema iha nasionál oinsa formasaun governu se problema ida ne’e prontu, maibé agora governu ne’e lao los ona mak ne’e, ita haree orsamentu mos aprova ona ita la hatene atu implementa ona kona ba difikuldade ne’ebé mak Suku Wabubu hasoru.

“Ha’u hanoin atu bebeik mos pelumenus ida ita tenki tau ba pratika tiha labele dehan katak neneik maibé la tau ba pratika ne’e labele tanba ne’e ida tenki tau ba pratika ezemplu hanesan postu saúde, estrada no eletrisidade ka pelumenus ida tenki tau tiha ba pratika ne’e par abele dehan katak faze por faze tuir ita nia planu no tuir ita nia orsamentu labele ida halo hotu kedas iha tinan ida ka periodu ida, tanba ne’e total aledia ne’ebé mak iha suku Wabubu hamutuk aldeia-6,” dehan nia (BT)