DÍLI----Benefisiariu Afonsu Amaral Tai husi Suku Komoro Aldeia Moris Foun senti kontente ho governu nia apoiu "Cesta Básica" durante iha Covid-19 nia laran no bele ajuda nesesidade básica familia uma laran nia moris. Tuir Benefisiariu Suku Komoro Aldeia Moris Foun B, Afonso Amaral Tai, hateten, nudar komunidade sira senti kontente no fó obrigadu ba Ministeriu Turizmu Komersiu no Industria (MTKI), no ministeriu sira seluk ne’ebé mak ajuda ona "Cesta Básica" ba komunidade sira.

“Ha’u senti kontente no obrigadu mós ba MTKI no ministeriu sira seluk ne’ebé halo programa ida ne’ebé mak ajuda ona kona-ba “Cesta Básica” ami hotu senti kontenti no haksolok hanesan ajuda ona ami nia moris durante iha Covid-19 ne’e, balun araska liu mós iha no balun sira iha nesesidade baziku loron-loron sei iha no balun laiha liu tanba ne’e obrigadu barak ba govérnu,” hateten Komunidade Suku Komoro Aldeia Moris Foun B, Afonso Amaral Tai ba jornalista BT iha loja Leader SuperMarket Dili, Sesta (04/12).

Nia hatutan, kupon ema nain tolu nian, hanesan familia foti dala ida bele foti tan mós ba daruak, no komunidade sira simu “Cesta Básica” labele liu iha loron 31 Dezembru tinan ne’e iha loja Lider supermarket. “Ami senti to’o ona be ida ne’e, tambá hanesan ami nain-3 hanesan foti dala ida ne’e bele foti tan mós dala rua ou tolu hanesan ne’e, naran katak labele to’o liu loron 31 Dezembru ne’ebé ami hanesan kontente,” dehan nia.

Nia hatutan, kona-ba sira ne’ebé seidauk hetan "Cesta Básica" ne’e bele mós ita halo ba konfirmasaun iha ita nia xefi suku no xefi aldeia to’o iha ne’ebá atu sira mós bele hetan hotu. “Sira mós bele atende nia ema sira ne’e atende ho di’ak, tenki ho seriu ita labele husik sira no hili fali ida seluk ne’e labele, ita hotu Timoroan hanesan sidadun Timor-Leste iha direitu atu hetan "Cesta Básica" ida ne’e,” hatutan nia. Tanba ne’e kupon ne’ebé mak ha’u simu ne’e kupon-3 signifika osan $150 dollar, maibé ohin ha’u simu uluk deit $50 dolar nian no sasan sira ne’e “Cesta Basika” nian duni.

Nune’e, mós Komunidade Suku Bebonuk Aldeia Metin-3 Domingos De Deus hatete, "Cesta Básica" ida ne’e halo nia kontenti no nia husu obrigadu ba governu ne’ebé ajuda ona komunidade sira. “Cesta Básica" ida ne’e senti di’ak no kontenti tamba estadu ajuda ami ona, ne’ebé senti konteti los no fó obrigadu ba estadu, tanba ami bele mai simu ona sasan “Cesta Basika” iha loja W-Four” hateten Benefisiariu Suku Bebonuk Aldeia Metin-3 Domingos De Deus ba jornalista BT iha loja W-Four Dili, Sesta (04/12).

Nia hatutan, iha komunidade sira iha ida-idak nia hakarak la hanesan no komunidade balun hakarak hili tuir nia hakarak. “Hanesan idak-idak nia hakarak ne’e la hanesan komforme ema hili tuir sira nia hakarak, sekarik ha’u bele hili produtu lokal, maibé maluk seluk hakarak hili sasan seluk ha’u labele obriga ema,” dehan nia. Nia informa sasan ne’ebé mak sira hili tuir sira nia hakarak tanba estadu mak ajuda entaun benefisiariu ne’e satisfas no kontenti hodi kontribui ba estadu no husu obrigadu

“Hili konforme ida-idak nia hakarak sasan ne’ebé estadu ajuda ona mai ita ne’e, ba ha’u satisfas bu’at ne’ebé estadu hatudu iha fatin ida ne’ebé ha’u tenki tuir, tambá ha’u tenki kontribui ba estadu, ida ne’e estadu basa fó ona mai ita tenki husu obrigadu ba estadu,” informa Domingos. Nia haktuir Osan ne’ebé mak nia hetan iha kupon ne’e hamutuk $250 ba ema nain-5 nian, tanba fulan rua ema ida hetan osan $50 dollar, entaun ema nain-5 ne’e total tenki $250 dollar

“Ami iha familia uma loran hamutuk nain-5, osan ne’ebé ami hetan ne’e $250 dollar, konta hamutuk kupon ne’e $250, tambá fulan rua iha osan $50 dollar ne’e di’ak liutan, Duke estadu soe osan di’ak liu fó nesesidade básica hanesan ne’e diak liutan ne’e kontribui estadu, tambá konforme ida-idak nia hanoin maibé ema barak ne’e hanoin la hanesan, maibé ba ha’u sasan "Cesta Básica" ne’e di’ak,” haktuir nia.

Nia mos husu obrigadu ba VII governu, bele kontribui ona no ajuda ona nia nesesidade uma laran ba fulan rua nian. “Ha’u husu obrigadu ba ita nia governu no estadu ne’ebé kontribui ona no ajuda ha’u ne’e, sekarik estadu la fó mós ita labele obriga estadu ida ne’e ba ha’u nia hanoin, sekarik ba maluk sira nia hanoin ne’e ha’u la hatene,” dehan nia (BT)