DÍLI----Relasiona Ho Dekretu lei Ne'ebe Mak dekreita husi Governu ba Estadu Emerjensia dasia nian Tanba Timor-Leste rejistu ikas kazu foun pozitivu ativu nain-18, Ministru Edukasaun Juventude Desportu (MEJD) suspende aktividade Aprendizajem Ba Eskola Ensinu Baziku to’o Ensinu Sekundariu husi privadu no Publiku.

Tuir Ministru Edukasaun Juventude Desportu (MEJD) Armindo Maia informa katak Relasiona ho Kazu COVID-19 ne'ebe numeru aumenta ba bebeik MEJD hakarak husu ba Eskola publiku no privadu sira atu hapara lai aprendizajem tanba Dadaun Seidauk iha Faze diskusaun Ba preparasaun ekipamentu Medidas Prevensaun nian.

"lta sei diskute ho Ministeriu Saude (MS) kona-ba implementasaun regra prevensaun COVlD-19 iha eskola sira tanba ita mos follow up flla-fali fasilidade COVlD-19 nian ne’ebé mak ita fornese ona ba eskola sira iha fulan haat liuba hanesan bee-moos, tanki, balde no dezifekstante para sasan sira ne'e bele utiliza tuir duni nesesidade no kondisaun ne’ebé iha," hatete Ministru Armindo Maia, ba jornalista sira iha konferénsia imprensa, iha Salaun MEJD Villa-Verde, Segunda (04/01).

Ministru relata, Regras prevensaun hirak ne'e importante para kombate transmisaun Iokal pandemia global COVID-19 bainhira re-ativa prosesu aprendijazen ba estudante sira iha tinan letivu 2021. Antes ne'e, MEJD ho parseiru dezenvolvimentu sira distribui ona apoiu material prevensaun COVID-19 hanesan tanki bee-moos, balde, maskra, dezinfektante no seluk tan ba eskola sira iha territoriu maibé balun a’at ona. (BT)