DÍLI----Loja Supermarket Lita Store kumpri no mantein regras ne’ebé mak fó sai husi Organizasaun Mundial Saude (OMS) atu prevene Covid-19 ne’ebé mak dadaun ne’e, Timor-Leste rejista ikas kazu foun komfirmadu ba na’in-18.

 

Tuir observasaun husi Jornalista BT iha terenu Nota katak funsionariu sira ne’ebé mak sevisu iha Lita Store Supermarket ne’e maioria halo tuir regras prevensaun Covid-19 nian, mak hanesan uza maskra, uza sabaun fase liman hafoin halao servisu.

No kompradores sira ne’ebé mak tama iha loja Lita Store ne’e kumpri regras sira hanesan fase liman, Uza Maskra, distansia sosiál wainhira tama iha Loja hodi sosa sasan.

Jornalista Business Timor (BT) tama hare’e iha Loja Lita Store kumpri regras ne’ebé mak husi OMS no kumpri dekretu lei ne’ebé mak promulga husi Prezidente Republika iha estadu emerejensia dasia nian, ne’ebé Timor-Leste Rejista ikas kazu positivu Korona Virus.

Aliende ida ne’e iha Banku Mandiri (BM) Maioria estudante sira rejistu hikas propinas eskola nian mos kumpri regras dekreta governu nian, maske ema barak maibe hotu-hotu halo tuir regras ne’ebé mak fó sai ona hodi prevene Virus Korona ne’ebé mak fó ameasa ba publiku.

Entretantu, Maioria Estudante husi UNPAZ, UNITAL inklui Univesidade Privadu sira ne’ebé mak rejistu propinas ba eskola liu husi Banku Mandiri. Banku Mandiri mós prepara kedas bee ho sabaun no fatin forma nian hodi ba registu ba propinas, atu nune’e estudante sira ne’ebé mak mai presiza liu husi dalan no kumpri regra hodi Kombate COVID-19. (BT)