DÍLI----Koordenadora Jeral Covid-19, Dra. Odete da Silva Viegas liuhusi Konferensia Imprensa hatete Kazu korona virus iha Timor-Leste dadaun ne’e rejistu tan kazu foun na’in-3 tanba kazu ne’ebe Baixa hela iha fatin Izolamentu Vera-Cruz hamutuk na’in-12.

Kordenadora Jeral dehan, Total Numeru Teste Na’in-16885, Hein Rezultadu Na’in-406, Total komulativu kazu Na’in-49, Rekoperadu Na’in-37+4=41. “Kazu Foun Na’in-3, numeru kazu baixa na’in-12, Rezultadu Negativu Na’in-16430,” Hatete Koordenadora Jeral Covid-19, Dra. Odete da Silva Viegas liuhusi Konferensia Imprensa iha Palasiu da Sinzas-Kaikoli, Segunda (04/01) 

Nia hatutan, Total Karantina Na’in-313, (Dili na’in-235, Munisipiu Na’in-78), Auto Karantina Na’in-26, (Dili Na’in-26, Munisipiu Zero), Pasa Karantina loron 14 Na’in-6974, (Dili Na’in-5788, Munisipiu na’in-1186). Tuir Kronologia Pasajeiros ho idade-19, Sexo: Mane, asimtomatiku. Viajem husi London UK iha loron 21 Dezembru 2020, transit iha Doha no sai husi Doha 21 Dezembru 2020 too iha Kuala Lumpur-Malaysia, no sai husi Kuala Lumpur-Malaysia too Dili iha loron 22 Dezembru 2020. Ho total passajeiros hamutuk na’in-100. Hamutuk na’in-14 inklui pasiente refere mak halo kuarentena iha Hotel Vila-Verde no konsidera nudar Close Contact.

Depois pasajeirus ho idade-29, Sexo: Mane, Asimtomatik, Viajem husi England (Scunthop) ba London UK, iha loron 20 Dezembru 2020, iha loron 21 Dezembru 2020, transit iha Doha, no too iha Malaysia iha loron 21 Dezembru 2020, toba iha airportu Malaysia. Sai husi Kuala Lumpur-Malaysia iha loron 22 Dezembru 2020 mai Díli. Passajeiros hamutuk na’in-25 inklui mos pasiente positivu ne’e halao kuarentena iha Hotel Time Square.

Aliende Pasiente Tuir mai, Passajeiros ho idade: 43, Sexo: Mane, Asimtomatik, Viajem husi England (Kemberly) ba London UK, iha loron 20 Dezembru 2020 to’o iha Doha iha loron 21 Dezembru 2020, Sai husi Doha 21 Dezembru 2020 ba Malaysia, too iha Malaysia toba iha airportu Malaysia. Sai husi Kuala Lumpur-Malaysia iha loron 22 Dezembru 2020 mai Díli. Passejeiros positivu ne’e halo kuarentena iha Hotel Time Square.

“Na’in-3 ne’e, Swab foti iha loron 30 Dezembru 2020, resultadu pozitivu relata iha loron 03 Janeiru 2021,” Esplika nia. Ministériu saúde liu husi biban ida ne’e, Hakarak husu ba públiku no entidade hotu, relasiona ho númeru kazu pozitivu ne’ebé kontinua rejista iha ita nia rain, husu atu tau koopera, kolabora no nafatin tau fiar mai Ministériu Saúde hodi bele hala’o ninia kna’ar tuir padraun, labele pániku, kumpri nafatin regras estadu emerjensia nebe mak governo dekreta ona no medida preventiva tuir protokolu Ministériu Saúde no Organizasaun Mundiál Saúde fó sai ona.

Nia haktuir, Aproveita mos biban ida ne’e atu informa ba publiku katak pandemia COVID-19 fó ona impaktu negativu ba saude publika no ekonomia iha mundu nomos iha rai laran. Hanesan mos moras seluk nebe mak bele prevene liu husi vasina, atu proteje komunidade husi COVID-19, presiza duni intervensaun preventiva ne’ebe efetivu husi moras grave no mate, liu husi dalan vasinasaun. Esforsu barak mak mundu global halo ona hodi dezenvolve vasina kontra pandemia COVID-19.

Tuir rekomendasaun husi Organizasaun Mundial Saúde, iha vasina oin 3 (tolu) hodi prevene COVID-19 atu bele uza iha nasaun sira ho rendimentu altu nomos rendimentu mediu hanesan Timor-Leste. Tuir rekomendasaun ne’e, vasina nebe diak liu atu bele uza iha Timor-Leste mak Astra-Zenica, vasina nebe mak dezenvolve husi University of Oxford. Ministeriu Saude rasik ho apoiu husi parseiru sira hanesan GAVI, CEPI, WHO no UNICEF mak sei halo kompras ba vasina ne’e rasik, no alvu ba vasina ne’e mak populasaun risku sira iha Timor-Leste laran tomak. (BT)