DÍLI----Iha Diskusaun meza redonda ho tema “Definisaun Kna’ar Setór Publiku no Setór Privadu ba rekoperasaun ekonomiku”, Prezidenti Kamara Komersiu Industria Timor-Leste (CCI-TL sigla portuges) Oscar Lima hatete moras Covid-19 ne’ebé mundu tomak enfrenta inklui Timor-Leste halo kompañia sira nia rendimentu tun ba pursentu 6 (6%,) tambá agora kompañia sira infrenta ba rendimentu.

“Ita iha moras covid-19 ita ko’alia lolos de’it katak rendimentu ba kompañia sira ne’e tun hotu kedas, tun mak depois mak ita hare’e ita nia ekonómia rasik kuandu aprezenta husi banku sentral ne’e tun ba 6% minimu, kuandu 6% minimu ne’e hanesan bu’at ida ne’ebé tun tebés no kompañia sira nia rendimentu ne’e labele iha, tamba agora bu’at ne’e laiha aktividade ne’ebe mak haburas rendimentu tanba moras hanesan ne’e nusa mak rendimentu bele iha,” hatete Prezidente CCI-TL Oscar Lima ba jornalista sira iha Novu Turizmu Dili, Tersa (22/12).

Nia hatutan, Tambá ida ne’e mak kompañia sira nia rendimentu tun barak tebes. Nune’e, ita buka halo nusa agora Governu aprova fali ona Orsamentu Geral Estadu 2020 nian no selu ona dadaun tusan ne’ebé mak Governu sira iha ne’e selu kuaze lubun ida ona. Nia dehan, Ita espera katak ho tan orsamentu geral ne’ebé mak tuir mai bele rekoopera ita nia Ekonómia oitoan-oitoan maibe iha rendimentu ne’ebé komesa tun ne’e ameasa mak iha empreza balun konsege taka duni.

“Iha rendimentu ne’ebé komesa tun ne’e ameasa mak iha empreza balun konsege taka duni, balun sei kontinua maibé balun konsege taka, mak kuandu taka ne’e hanesan prejudika maibé pasensia hakarak ga lakohi ita tenki taka duni,” dehan nia. Nia afirma, Agora balun komesa reativa fila-fali sira nia kompañia sira ne’e, tambá sira balun hetan fali ona osan ruma ne’ebé sira hetan pagamentu husi governu rasik.

Nia relata katak, Dadus ne’ebe kompañia sira nian iha dadus ne’ebé iha 200 ital ne’ebé mak uluk mak to’o agora dadus ne’e sei iha, maibé barak mak komesa reativa fila-fali ninia aktividade ida ne’e. “Rendimentu ida ne’ebé antes ita ko’alia lolos antes krize ne’e di’ak, kompañia sira komesa lao maka’as, maibé komesa to’o mai iha 2017 mai leten komesa lao ladun di’ak ona, prontu ita antes Covid-19 ita iha impase politika, kuandu iha impase politika mós prejudika mós iha impase politika ne’e,” afirma nia.

Nia hatete, Covid-19 ne’e mai tan prejudika a’at liu tan emprezariu sira to’o sira taka ne’e, agora ita husu mak ne’e husu ba emprezariu nasionais sira atu mantein nafatin no buka nafatin atu halo nusa atu iha fali osan atu ativa fila-fali sira nia empreza, atu nune’e sira nia empreza pelumenus fó kontribuisaun ba pais ida ne’e no prinsipal ekonómia.

“Balun kuandu monu oitoan hakfodak otomatikamente hakfodak, maibé balun ne’ebé brani sei kontinua fila-fali hodi nune’e halo fila-fali sira nia kompañia atu bele aktividade ne’ebé lao hanesan babain atu nune’e sira nia kompañia lao fila-fali. Dezafius ne’ebé ami hasoru normal, dezefius bo’ot tebes-tebes mak ida osan no ita espera katak sei iha osan sei bele lao, maibé iha dezafius ida fila-fali mak Covid-19 sei nafatin nemak sei halo ema halao nia aktividade sei tauk, ita labele hetan sasan fasil,” Informa nia. (BT)