DILI- Secretario Jeral Sindikatu Trabaliador Timor Leste (SJT-TL) liu husi Sekretariu Sindikatu TrabaliadorTimor Leste Almerio J.G. Vila Nova, husu ba General Manager Banku MandiriAhmad Yani atu re-integra fila-fali, funsionariu Timor oan nain tolu nebe mak hetan espulsa tanba hahalok refere hanesan presaun ba serbisu nain sira nebe mak serbisu iha Banku Mandiri. “Ami ejize ba General Manager Banku Mandiri Muhamdt Yani atu reemprega fila fali funsionariu nain tolu nebe mak hapara ho injustamente. Wainhira iha tempu badak n’e laiha solusaun, loron 19/12 ami sei halo assaun greve maka’as liu tan no mos sei involve funsionariu Timoroan hotu nebe mak serbisu iha Banku Mandiri I assaun ne’e sei halo iha Banku Mandiri nia oin,” deklara Almerio J.G. Vila Nova iha fatin konferensia da impresa sede SJT-TL Bemori Kuarta semana liu ba.

Secretario Jeral Sindikatu, husu ba Muhamad Yani tenki respeita lei kodigu laboral nebe no konstituisaun Nasional nebe mak proteje no garante trabaliador sira nia Direitu, tamba hahalok nebe mak Yani hatudu ne’e hanesan halo invasaun ba trabaliador sira nia direitu. Nia hatutan tan katak, Sindikatu tarabaliador Banku mandiri iha inisiativa diak atu halo halo oproximasaun hodi hamenus knflitu nebe mak semore akontese, maibe General manager banku Mandiri sempre hatudu emosional nebe no arrogansia lakohi rona trabaliador sira saida mak sira hato’o, I lakohi rona ema seluk nia opiniaun, tuir nia katak hahalok ne’e kontra ona prinsipiu fundamentais nebe mak konsagra ona iha lei kodigu laboral no Konstituisional.

Almerio haktuir tan katak, antes hetan prejaun fisikolojia, Helder do Rego Barreto tur iha seksaun parte kreditu nia, Joaquim Gonzaga no Leonardo Bele Bau nudar Assisten Manajer, maibe parte Joaquim la dun preukupa ho buat sira ne’e hotu, parte sira la stisfas mak Manager nia hahalok nebe mak durante ne’e hatudu ba sira. Tamba sira ba han mos sei haruka ema seluk ba hafuhu hela deit sira.

Helder Barreto do Rego, nudar Porta voz hatutan katak, sira nain tolu la tama iha kategoria iha lista mean, maibe tamba sira nia kolega parte serikat nia sempre hatutan ami nia lia konaba kesejahtraan, tuir nia tamba ne’e mak manajer ne’e buka jeitu nune’e bele hasai sira nain tolu iha Banku Mandiri.

“Iha momentu neba ami hakarak halo kedan mogok maibe hau sempre fo korajen ba klega sira katak, ita tenke la’o tuir lei, tamba ami konsulta mosho maluk sira husi KSTL I sira mos afirma katak tenki la’o tuir lei, ita fo tempu ba sira atu rezolve. Maibe nia lori ita nia bo’ot sira hodi hanehan amiasa tan kolega sira katak kuandu imi halo greve Polisia sei kaer imi, maibe laiha buat ida polisia kaer ami ba mos iha ami na nasaun,” dehan Portavoz Joaquim.

Almeiro hatutan katak, antes ne’e sira hatudu surat peringatan dala 3, ida halo iha 2010, maibe SJT-TL konsidera surat ne’e labale ona iha 2011, tamba sira nia prosedur internal mos hateten katak, surat peringatan ne’e tenke la’o hanesan ho tinan, nune’e mos sira halo peringatan keras ne’e la bazeia ba faktus.

Joaquim hatutan katak,sira nain tolu hatene segredu eru barak iha jestaun banku Mandiri, e sira haruka mos erru sira ne’e ba iha Jakarta (Indonesia.red) I Diretur husi Jakarta mos haruka kedan ekipa audit mai Dili atu halo auditing, tuir nia katak, tamba ne’e mak Yani sempre buka meius oinsa para sira nain tolu sai iha Banku Mandiri. (R-5)