DILI-Atu promove lian Inan labele lakon leet, Ministerio Educação (ME), Tersa (13/12), Ministeriu da Edukasaun João Cancio Freitas hamutuk ho diretur Nasional no mos Diretur Distrital, ho Xefi Sub- Departementu sira husi Distrito sanulu resin tolu iha Eis CNRT salão encontru Balide Dili. Ministerio Educação desidi ona atu hahu ona implementa lian inan ho projetu Pilotu (koko) ba eskola primaria, nebe tuir planu sei implementa iha fulan Febereiru 2012 tinan oin, nebe ba dahuluk ne’e sei koko uluk ho Distritu tolu hanesan, Lautem, Manatuto no Oe-Cusse.

“Iha loron mundial ba lian Materna fulan febreiru 2012, ami sei implementa projetu pilotu ba lian materna (lian Inan), ne’e iha Distritu tolu hanesan, Manatuto, Lautem no Oe-Cusse, maibe ami sei implementa hotu iha eskola hotu-hotu ih Timor laran tomak,” dehan ME, João Cancio Freitas iha Salão enkontru balide ba Jornlista sira.

Nia informa mos katak, kada eskola sei hili eskola rua nebe mak hanesan ezemplu ba pilotu lian maternal nia iha rejultadu implementasaun ne’e sei hare ba vantazen no desvantazen, nune’e bele desidi ona iha future oin mai, tamba introdusaun lian maternal ne’e mos importante, mesmu ida ne’ee foin dahuluk atu introdus lian inan, tamba ne’e mak ME hakarak hahu uluk projrtu Pilotus.

“Wainhira projetu Pilotus ne’e hetan ona rezultadu diak, it abele halo ba iha nivel Nasional, purtantu proladu ami sei implementa nafatin kuriklu nasional nebe aprovadu tiha ona I fo mos marjen ba Distritu liu-liu komunidade tolu nebe hetan difikulidades ba linguas ofissiais, mak hanesan Lospalos, Oe-Cusse, Manatuto laos tamba difikulidade maibe tamba restribuisaun rejional,” dehan nia.

Tamba Ministru Edikasaun ba dahuluk ne’e sei hili uluk lai Distritu 3, nune’e it abele hatene oinsa implementa lian maternal ne’e, tuir nia wainhira iha ona rezultadu diak ME sei halo fali avaliasaun wainhira lian sira ne’e implementa diak ona sira sei implementa ba iha nivel nasonal.

Iha fatin no tempu hansan, Embaxadora Edukasaun Cristy Sword Gusmão hatutan katak, wainhira ita la dezenvolve ita nia lian inan iha ita nia rai, nei-neik lian inan sira ne’e sei lakon le’et, tamba ne’e nia fiar katak ho implementasaun lian maternal ne’e bele dezenvolve diak liu ntan lian maternal iha eskola hotu, no sei sussesu iha future, wainhira hetan ona apoiu husi komponente hotu.

“Ba dahuluk ne’e projetu pilotu sei hatudu saida mak sei falta, hau fiar katak partisipante ema hotu hanesan inan aman husi alunus sira, nune’e projetu pilotu ne’e sei la’o ho sussesu, maibe eskola ida-idak tenke kria estudu ida nune’e, bele identifika lian maternal maioria iha eskola ida-idak,” dehan Cristy iha fatin enkontru.Tuir nia katak kada aldeia tenki halo prossesu ida nebe mak diak ho demokratiku rona no apoiu prossesa ida ne’e. (R-5/R-4)