DÍLI----Tuir Koordenador Grupu Seloi Hortikultura Produsaun (SHP), Victor da Costa Ximenes Gama hatete Grupu Seloi Hortikultura Pordusaun (SHP) nia produtu ne’ebé mak implementa iha Distritu Aileu suku Seloi, maioria asesu ona ba iha merkadu nasionál.

“Produtu husi Grupu Seloi Hortikultura ne’e asesu ona ba Merkadoria, hanesan Lite Stor, Lider Supermerkadu, Setór SuperMarket, Jaco Supermarket inklui mos Loja Agrikultura ne’ebé ministeriu agrikultura mak Organiza, ”dehan Koordenador Grupu Seloi Hortikultura Produsaun, Victor da Costa Ximenes Gama, ba Jornalista BT iha CCD, Tersa (15/12).

Koordenador hatutan, Husi Grupu Seloi ne’e kada tinan asesu ba merkadoria sira ne’e hetan ona mill $4-6, husi Grupu ne’e. Nia relata, hahu mosu ideia implementa setór Hortikultura, depois sira remata nia estudu iha nasaun Izrael iha area Agrikultura ne’ebé mak realiza husi Ministeriu Agrikultura Peska sensante nia programa.

“Depois ami remata ami nia formasaun iha Izrael, ami hare’e katak setór agrikultura ne’e importante la halimar, liu-liu iha setór agrikultór, tanba ne’e mak mai hahu hare’e rai potensivu Timor ne’e oinsa mak bele estabelese sentru refere,” Hateten nia. Nia haktuir, Grupu hili Seloi sai fatin ba grupu Seloi Hortikultura Produsaun (SHP) tanba fatin diak no rai buras hodi fahe saida mak hetan durante iha Izrael.

“Ami hili Seloi fatin ba Ami tan ne’e mak ami tau naran Seloi Hortikultura Produsaun, husi ne’eba ami hahu instala, ami hahu fahe saida mak ami hetan durante iha Izrael, tanba ne’e mak ami sente siensia no Teknolojia ne’e importante liu, atu dudu setor agrikutura ba oin liu-liu Hortikultura, ami estabelese ho sitema Modernu,” Esplika nia.

Alende ida ne’e, husi Formasaun ne’e ami fó formasaun ba Komunidade Argrikultura sira fó ba eskola Tekniku Vokasionál sira ba Universidade no mós servisu hamutuk ho sentru Juventude sira, importansia ba ita Joven atu partisipa iha vida agrikultura liu-liu iha setór Hortikutura, iha grupu Hortikultura ne’e kuda aihan, Varia, Okra, Brinjela, Ai-manas Boot, inklui mós husi Produtu seluk iha area Modo.

Traballadores sira ne’ebé mak servisu iha Grupu Seloi Hortikultura Produsaun (SHP), permanente na’in-2, Maibe noun Permanente depende ba ita-nia nesesidade, dala-ruma to'o na’in-7 to'o 8 maibe sira la permanente, permanente hamutuk ami na’in-8 ne’ebé mak servisu durante ne’e.

Nia relata durante iha situsaun emerjensia fó difikuldade bo'ot ba grupu Seloi ne’e tanba la asesu ba Merkadoria, no Grupu produsaun ne’e mós la hetna subsidiu husi Governu Durante iha situasaun krize. (BT)