DÍLI----Deputadu iha Parlamentu Nasional (PN) aprova ona Estadu Emerjensia ba dasia (EE-9) Rezultadu Votasaun ba Estadu Emerjensia ba Dala sia ne’e, afavor-46, kontra-0, abstensaun-5.

Vise-Primeiro Ministru (V-PM) no Planu Ordenamentu (MPO) José Maria Dos Reis hatete hanesan reprezentant governu atu informa deit katak Presidente husu hotu-hotu kolaborasaun atu kombate Covid-19 ne’ebé mak dadaun nasaun hotu-hotu afetadu inklui Timor-Leste iha segundu Periodu.

“Ita hotu-hotu kolabora atu prevene, prezidente da Republika husu ita atu munifika liu iha Kombate ida ne’e, la halo diskrisaun, maibe husu ita nudar representante povu iha Governu no iha Parlamentu, instituisaun sira atu bele reforsa liu tan ita-nia unidade ba iha Kombate COVID-19,”dehan Vise-Primeiro Ministru (V-PM) Planu Ordenamentu (MPO) José Maria Dos Reis hatan ba preokupasaun, iha plenaria Extraordinaria Parlamentu nasionál, Kuarta (30/12).

Tuir Vise-Primeiro Ministru (V-PM) Planu Ordenamentu (MPO) José Maria Dos Reis hatete, Ba Preokupasaun husi deputadu hodi presisa atu hadia, ami sei reforsa liu atu melora Jestaun sira ne’ebé maka husi deputadu sira, ami sei lori ba komsellu ministru hodi diskute. Deputadu bankada KHUNTO Luis Roberto da Silva husu ba VIII Governu ukun ne’e ho domin atu ema hotu moris ho di’ak, Fó Apoiu Maximu Governu Atu Estende EE Ba Dala sia.

“Relasiona ho renovasaun Estadu Emerejensia (EE) iha Teritoriu laran tomak bankada KHUNTO afirma politika ida nafatin apoiu Governu Estende Estadu emerjensia ba dala sia, ”dehan Deputadu bankada KHUNTO Luis Roberto. Nune’e Governu tenke aplika regras sira ne’ebé maka hatoo husi saúde sosiál, no bankada KHUNTO apresia ba komunikadu imprensa husi Konsellu Ministru ba regras sira hotu atu regula sidadaun hotu-hotu iha teritorio laran tomak.

Iha fatin hanesan Deputada PLP Maria Angelina Sarmento hatutan, pedidu Husi Prezidente da Republika, bankada PLP apoiu hodi estende EE ba dala-9 hodi prevene moras. “Ami kontinua fó apoiu ba Governu no prezidente Republika nia pedidu atu estende ba Estadu emerjensia, tanba ita hare’e ba iha progressu mais atualizadu husi Globalmente virus iha ona mutasaun ga variante foun ne’ebé nia konsekuensia ne’e bo'ot liu husi Covid-19 ne’ebé akontese iha Dezembru 2019, Marsu 2020,” Hatete Deputada PLP Maria Angelina Sarmento.

Nia informa bele akontese virus iha transmisaun lokál mak ema ida halai sai husi kuarentena, nune’e, Iha parte seluk lockdown ne’e importante tanba atu prevene sidadaun hotu-hotu iha Timor laran tomak. Alende ida ne’e, Nia husu taka Fronteira Timor la mate ba hamlaha, no ita labele halimar ho Covid-19, ha’u husu ba Governu no ha’u louva Governu tenke esforsu maka'as.

Iha fatin hanesan Ministra Saúde Odete Maria iha debate extraordinaria ba extensaun Estadu emerjensia Hatán ba preokupaun taka fronteira. “Ami iha semana kotuk ami hahú foti ona desizaun atu taka fronteira tomak, laiha autoriza atu sidadaun sira husi estranjeiru atu tama mai Fronteira, ”Ministra De Saúde Odete Maria. (BT)