DÍLI----Timor-Leste rejistu kazu pozitivu na’in-35, kazu Ativu na’in-13 aumenta ho foun ohin (28 fulan Dezembru) na’in-4. Tuir Kordenadora Jeral Covid-19 Odete Viegas hatete Kazu iha loron 27 fulan Dezembru aumenta ba na’in-13 tanba foin detekta tan na’in-4 iha horseik (27 Dezembru).

“Dadus 27 Dezembru 2020, Total no Teste na’in-16324, Hein Resultado Na’in-397 Total komulativu kazu Na’in- 44, Rekoperadu Na’in-31+4=35 (Ativu-13), kazu Foun na’in-4,” Hatete Kordenadora Jeral Covid-19 Odete Viegas liuhusi press Komferensia iha Salaun, Palasio da Cinzas, Kaikoli, Segunda (28/12).

Nia hatutan, Rezultadu Negativitu na’in-15886, Total Karantina na’in-349 tamba iha Dili Na’in-279 No iha Munisipiu-70. Auto Karantina na’in-136, iha Dili Na’in-129, no Munisipiu Na’in-7, Pasa Karantina 14 dias Na’in-6813, iha Dili na’in-5641, iha Munisipiu na’in-1172. Nia informa, Kazu ne'ebe Detekta iha loron 27 fulan Dezembru Mane ida ho idade-26, Hatudu sintomas ho isin manas 38.6 grau celsius, isin moras no kolen nomos Mane ida ho idade-35, laiha Sintomas ruma.

Tuir Informasaun ne’ebe rekolla katak Mane ida fali ho Idade-42, laiha sintomas. Sira Na’in-3 viajem husi UK-20 Dezembru ho aviaun Qatar Airlines to’o iha Doha, oras rua transit fali Husi Doha ba Malaysia iha data nebe hanesan dia 20 Dezembru 2020 ho aviaun Qatar Airlines, to’o iha Malaysia iha dia 21 Dezembru 2020, oras 24:00 am.

Ne’e Dunik, Toba iha waiting room Airportu Malaysia, Sai husi Kuala Lumpur, Malaysia mai Dili, TLS iha dia 22 Dezembru 2020 ho aviaun Air Asia. Nune’e, Sidadaun Pakistan ida ho idade-33, laiha Sintomas, Ema Pakistan ne’e halo viajem husi Pakistan ba Doha ho Aviaun Qatar Airlines, no kontinua ho Aviaun hanesan mai Malaysia iha loron 21 Dezembru no Mai Díli ho Aviaun Air Asia iha loron 22 Dezembru 2020.

Nia informa, Wainhira Aviaun Air Asia atu aranka mai Timor, Crew Aviaun Simu Informasaun katak iha Pasajeiru ida ne’ebe detekta Pozitivu COVID-19 no na’in-2 seluk ne’ebe laiha dokumentu husi Teste PCR nian. Iha momentu ne’eba deside kansela viajem ba kazu positivu ne’e no hirak ne’ebe laiha dokumentu resultadu PCR. 

RAEOA Rejistu Kazu Positivu Foun Na’in-3

Iha loron 23 Dezembru 2020, iha Raeoa Rejistu Kazu foun na’in-3, na’in tolu ne’e tama husi Froteira Legál auto Kuaretena iha. Tuir Kordenadora Jeral COVID-19, Odete Viegas informa detekta Kazu Pozitivu na’in-3 iha loron 23 Dezembru tinan 2020 OECUSE-RAEOA. “Husi RAEOA Oekusse mos detekta Kazu positive nain 3 iha loron 23 Dezembru 2020. Mane Timor Oan ida ho idade 22, Estudante, iha defisiensia Matan nebe’e hetan kaptura husi Polisia UPF iha area frontera Oe-silo iha loron 11 Dezembru 2020,”Hatete Kordenadora Jeral COVID-19 Odete Viegas, iha Press Konferensia iha salaun Palasio De Cinzas, Kaikoli,Segunda (28/12).

Tuir Kronolojia kazu na’in-3 iha Oe-cusse, Mane Timor oan ida ho idade 21, ba frontera Oesilo hodi hasoru ninia kolega ida ho defisiensia matan ne’e, Ilegal nain-2 ne’e depois de kaptura lori kedas ba halo karantina iha Hotel 5 Estrela iha Oeupo no iha neba sira halo karantina hamutuk ho ema na’in-44 seluk ho total na’in- 46.

Protavoz informa, Sira halo viajem husi Surabaya 11 Dezembru 2020 Aviaun Citilink ba Kupang. Husi Kupang sira aluga kareta hodi lori ba frontera Oesilo, Sidadaun Indonesia ida ho idade 38, Tama iha loron 8 Dezembru 2020 husi Frontera Sakato no halo Auto Karantina iha H. Lifau hamutuk ho Sidadaun nain-4 seluk ho total ema nain-5.

Depois Nia halo Viajem husi Jakarta 6 DezembruhoAviaun Batik Air ba Kupang. Toba kalan ida iha Hotel OYO besik bandara El Tari Kupang. Loron 7 Dezembru Viajem husi Kupang – Atambua ho Wings Air no toba kalan ida iha H. Alam Subur. Loron 8 Dezembru aluga kareta mai to’o Sakato, Iha loron 27 Dezembru ita mos detekta tan kazu COVID-19 hamutuk nain 4 husi Hotel Y.Q. Raikotu. (BT)