DÍLI----Governun Japaun liuhusi Embaixada Japaun nian iha Timor-Leste asina kontratu ho Miniteriu Saude (MS) Ba Projetu Konstrusaun Postu Saude, Iha Suku Souro, Postu Administrativu Lospalos, Munisípiu Lautem. Tuir karta ne’ebe Asesu, Embaixadór KINEFUCHI Masami hatete Embaixada Japaun nian iha Timor-Leste hala’o serimónia asina kontratu ho Miniteriu Saude (MS) atu oinsa Governu Japaun Fornese Fundu Ba Projetu Konstrusaun Postu Saude, Iha Suku Souro, Postu Administrativu Lospalos, Munisípiu Lautem liu husi programa asisténsia Japaun nian ida hanaran eskema “Fundu Asisténsia ba Seguransa Umana (GGP)” Projetu ne’e ho objetivu atu hadi’ak asesu ba Servisus kuidadu saude ba komunidade sira iha area remotas.

“Ksolok boot ida mai hau hodi halo Serimónia Asina Kontratu ba projetu konstrasaun postu saude iha suku Souro, Lospalos. Uluk nanain, parabéns ba HADEZTA! Ita-Boot nia projetu mak hetan selesaun husi proposta hamutuk lima-nulu-resin-ida (51) ne'ebé submete hosi ONG oioin iha tempu hirak liu ba,” Hateten Embaixadór KINEFUCHI Masami iha komunikadu ne’ebe BT Asesu. Nia hatutan, Apresia suporta oioin husi governu lokál no Ministériu Saúde katak sira nia atensaun no manutensaun mak importante atu mantein Postu Saude ne’e ho kondisaun diak nafatin no komunidade sira hetan tratamentu médiku ne'ebé adekuadu ba tempu naruk iha future.

Nia dehan, Governu Japaun suporta ona projetu eskala boot governu nian, maibé mos projetu skala kiik ne’ebe benefisia direitamente komunidade lokál sira, durante tinan 20 ikus ne’e, projetu ho eskala kiik 176 mak kompleta ona iha munisipiu 13. GGP toka papél prinsipál ida iha área melloramentu no dezenvolvimentu servisu sosiál nian iha Timor-Leste. Ida ne’e suporta setór oioin liu husi konstrusaun fasilidade edukasaun, Sistema bee moos, Saude no seluk.

“Governu Japaun suporta ona konstrusaun nasaun Timor-Leste iha area infraestrutura, dezenvolvimentu rekursus umanus, no hadia asistensia servisu sosiál no area seluk tan durante tinan rua-nulu resin ona, inkluindu tempu, molok restaurasaun independénsia. Ba kombate COVID-dizenovi (19), Japaun mak nasaun doadór boot liu ba nasaun Timor-Leste no fornese ona asistensia finanseiru hamutuk millaun neen-pontu-neen (Milaun $6.6) dolares amerikanu (USD). Area asisténsia inkluindu fornesimentu ba ekipamentu prevensaun COVID-dizenovi (19), advokasia no edukasaun, fornese ai-han baziku ba ema ne’ebé presiza, ho fornesimentu ekipamentu médiku inkluindu kareta ambulánsia foun tolu-nulu-resin-walu (38),” Nota iha Komunikadu.

Nia Haktuir, Agora ami ko'alia ho ita-boot sira-nia governu kona-ba asisténsia adisionál nian. Alein dé projetu eskala boot governu nian, Japaun mos implementa ona projetu eskala ki’ik oan sira ne’ebé fó benefísiu diretamente ba komunidade sira hanesan konstrusaun eskola, postu saúde, sistema bee moos, nomós apoiu agrikultór lokal sira. Liu husi progrma GGP no seluk tan, No total projetu atus-ida-hitu-nulu-resin-neen (176) ne’ebe mak implemeta ona.

Governu Japaun deside ona atu fornese USD$90,900 ba Haburas Dezemvolve Talento (HADEZTA), ONG Lokál ida ne’ebe implementa projetu ne’e. Sira sei konstrui klínika públiku ida hanaran ‘Postu Saude’ iha suku Souro, Lospalos. “Ohin, ita sei asina kontratu ida tan/ ba projetu GGP nian iha setór Saude/ ho montante rihun-sia-nulu-pontu-atus-sia dollares Amerikanu (90,900 USD) finansia husi Governu Japaun. Projetu ne’e sei diretamente benefisia komunidade na’in rihun-tolu-atus-hitu-haat-nulu-resinhaat (3,744) iha Suku Souro, Lospalos liu husi melloramentu asesu ba servisus médiku nian,” Hateten Emaixada. iha Nota Informasaun.

Entretntu, Governu Japaun Respeitu ba HADEZTA nomos Apresia ba servisu ne’ebe maka’as tebes ba projeitu ne’ebe foin Inisiu Aléin de ida ne’e, Governu Japaun husu Governu lokal Munisipiu Lautem atu suporta ho diak ba projetu refere. “Hau hakarak fó hau nia respeitu ba HADEZTA. Hau apresia imi nia servisu makas tebes/ ba preparasaun projetu ne’e, maibe, ida ne’e foin hanesan pontu de inisiu. Ita-boot sira nia esforsa tuir mai/ sei importante tebes atu asegura katak konstrusaun postu saúde ne’e/ sei remata devidamente. Aléin de ida ne’e, hau hakarak husu governu lokal Municipiu Lautem/ atu suporta ho diak ba projetu ne’e,” Subliña Embaixadór.

Depois dé konstrusaun remata, postu saude ne’e, sei entrega ba Servisu Saude Municipiu Lautem. Ita-boot sira nia atensaun no manutensaun/ sei indispensável ba susesu reál/ husi projetu ne’e rasik. Ikus liu, Hau mós hakarak fó obrigadu/ ba partisipante sira iha ne’e, partikularmente membrus do Governu. Ami apresia ita-boot sira nia koperasaun iha projetu uluk/ no dezeju katak/ projetu ne’e sei hetan mos apoiu makas. Hau hakarak remata hau nia diskursu/ ho dezeju susesu husi projetu ne’e, prosperidade ba Timor-Leste/ no ksolok no saude diak ba partisipante hotu-hotu.

Nune’e, Bazeia ba padraun dezeñu husi Ministériu Saúde. Postu Saude ne’e iha sala ba konsulta, sala de partus, laboratóriu no farmásia ne’ebé fasilita komunidade sira iha suku Souro atu hetan tratamentu médiku jerál. Postu Saude ne’e sei benefisia komunidade 3,744 iha suku Souro hodi hadi’ak asesu ba Servisu kuidadu saude no mos ba sira nia kualidade moris nian. Serimónia ne’e asiste husi Ministra Saude Odete Maria Freitas Belo, Reprezentante husi Ministériu Negósius Estranjeirus no Kooperasaun (MNEK), Ministériu Finansas (MF), ofisiál governu lokál no delegadu husi HADEZTA, ONG lokál ida. (BT)