DILI - Transporte Publiku (TP) hanesan Mikrolet 03-09 nebe tula passajerus halai arbiru la tuir jalur/diresaun nebe mak husi Diresaun Nasional Transporte no Terrestre (DNTT) ho razaun tamba kondisaun estrada a’at no mos passajerus iha parte refere la duun barak no iha parte balu husi DNTT mak la dun kontrola ba buat hirak ne’e mesmu iha lei atu regula.

Xefe Departamentu Antonia Vita konfesa ba Business Timor iha nia serbisu fatin hatete katak, iha fulan Novembru tinan kotuk husi DNTT halo ona opersaun hamutuk ho Polisia tranzitu no sira konsege prende mikrolet lubuk ida nebe halai la tuir diresaun. Sansaun ba ida nee, DNTT bolu kareta nain ho kondutores sira nune’e halo enkontru no fo hatene ba sira atu tuir nafatin tarjetu nebe mak husi DNTT fo ona ba sira.

Atu hare fila fali Diresaun nebe mak Diresaun hatudu ona nune’e bele re-aktiva fali, hanesan diresaun 03 no 09, inklui diresaun 10 nebe mak oras ne’e halai la tuir ninia dalan, sira identifika ona kareta sira nebe mak halai la tuir lisensa nebe mak husi DNNT fo.

 

“Ita hare kareta katak, jalur sira hanesan 09 nebe mak halo operasaun iha parte Bebonuk no no Dom-Bosco, inklui O3 nebe mak durante ne’e la kumpri sira nia lisensa nebe mak husi Diresaun fo ba sira, iha altura nebe ba ami halo uluk ba 03, tanba sira la tuir jalur nebe mak husi Diresaun fo ona ba sira, needuni ami konsege prende duni mikrolet sira nebe mak halai la tuir sira nia diresaun,” nia informa.

Nia hatutan katak, konaba mikroleta 09, hato’o ona sira nia keisa tanba estrada parte neba kondisaun a’at, tamba ne’e mak sira halai la tuir sira nia diresaun. Tanba ne’e husi parte Diresaun Nasional Transporte no Terrestres sei fo tolera ba sira, tamba ita hotu hatene katak kondisaun estrada parte neba a’at duni.

Nune’e mos nia informa katak, ita seidauk iha terminal ida nebe mak fiksu tanba terminal uluk iha Tasi-Tolu nebe mak ita iha agora dadaun ne’e Forsa Internasional Australianu sira mak sei utiliza fatin refere. Tanba ne’e, husi Diresaun labele tau nia emar iha neba tanba ita seidauk iha fatin nebe mak fiksu.

Fatin terminal nebe mak Forsa Internasional sira okupa ne’e, sira selu tasa ou lae, nia deehan, ida nee husi parte Diresaun la hatene tamba ida ne’e konkordasaun entre ita nia governu no governu Australianu sira.

Alende ne’e, konaba Ligtht Trafik nebe mak agora daudaun la ativa no mos Zebra Cross nebe mak komesa a’at dadaun, iha tinan 2012 ne’e sira hetan ona aprovasaun tanba sira hatama proposta I sira nia proposta ne’e konsege aprova dunia atu halo manutensaun fila-fali, ba buat sasan hirak nebe mak a’at hanesan ne’e. Au mesmu tempu sira sei aumenta tan light trafik iha Dili laran.

Konaba impaktu kareta halai nakselok malu iha Dili laran nebe mak loron ba loron sempre akontese, tanba iha kauza barak ma difikulta buat sira hanesan ne’e. Ezemplu, hanesan lutu iha Embaixada Australia nia oin nebe mak tama to’o estrada klaran, Xefe Diresaun ne’e haktuir katak, komesa inisiu to’o agora sira seidauk selu tasa ba ita nia governu.

Nia hatutan katak, atu halo atuasaun ka sobu buat sasan hirak hanesan ne’e, sira husi diresaun la hatene tanba ida ne’e kompetensia ema bo’ot sira nian, neduni sira labele foti desizaun konaba assunto ne’e. Iha altura nebe husi komisaun Europea iha parte Lecidere, sira mos hakarak tau lutu hanesan iha Embaxada Australia nia oin maibe DNTT la aseita tamba wainhira sira asseita entaun konserteza sira hotu-hotu complain ona. Tanba ne’e, DNTT la fo lisensa ba Komisaun Europea nebe mak hakarak halo lutu hanesan iha Embaxada Australia nia oin. (R-5)