DILI-Organizasaun Naun Governamental Moris Rasik (MR) iha tinan ne’e la iha mudansa metodolojia kreditu ba nia kliente sira tamba metodolojia uluk nebe mak sira uza nebe mak prova tiha ona katak serve duni atu ba Timor Leste ninia realidade. Iha tinan ne’e, kliente nebe mak halo kreditu iha Moris Rasik ne’e ema liu ona rihun sanulu resin tolu ( 13.000) mudansa metodolojia bele iha maibe ida ne’e komformi ba klientes sira nebe mak simu ona kreditu. Wainhira klientes hirak ne’e hakarak husu tan entaun sira bele simu liu husi $1.000.00.

“Tinan uluk MR fo kreditu labele liu $3.000.00 maibe iha tinan ida ne’e ami komesa fo ona kreditu ba ami nia kliente to’o ona $5.000 maibe ida ne’e ba kliente sira nebe mak ami hare sira ne’e bele selu fila-fali osan nebe mak sira foti iha MR. Wainhira sira nia Business ne’e komesa iha ona mudansa entaun klientes sira ne’e bele foti ou kreditu bo’ot liu tan, maibe ida ne’e ba feto sira,” dehanManaging Director Moris Rasik Lola dos Reis ba Business Timor iha nia knaar fatin Bairo Lirio Motael, Kuarta (1/02).

Iha tinan ne’e MR iha duni planu atu halo mudansa ida maibe ida ne’e laos deit ba feto, ida ne’e ba salary low, ida ne’e impresta ba funsionariu estadu sira nia. Tamba uluk sira selu ba tinan rua maibe iha tinan ne’e sira halo fali sistema foun ida atu hamenus kuantidade nebe mak sira husu. Kuandu tinan ida sira selu hotu bele mai foti tan.

Alende ne’e, nia informa mos katak, iha tinan ne’e governu ezije Moris Rasik atu labele long for pfofit, katak MR tenke sai hanesan kompaña ida, tamba ne’e agora dadaun MR halo hela esforsu nune’e aban bain rua bele transforma ba kompnña ida. 
Moris Rasik Muda Ba MRSA

Nia hatutan, Banco Central fo sai tiha ona lei ida katak, Moris Rasik tenke sai Kompaña ida, tamba n’e iha tempu badak Moris Rasik sei iha transforma ba Moris Rasik Sosiedade Anonima (MRSA) tamba ida ne’e Banco Sentral mak fo sai entaun MR tenke tuir lei ne’e.
“Agora ami hatama tiha ona surat ho dokumentus atu hatama atu aplika, tamba agora NGO, no Fundasaun sira ne’e la presiza lisensa, maibe agora hasai ona lei entaun presiza ona lisensa, nebe agora ami hatama tiha ona pedidu para hetan lisensa. Agora ami hein deit resposta husi Banco Sentral,” nia informa.

Alende ne’e, nia komfesa mos katak kliente nebe mak sira fo kreditu no hetan ona sussesu iha kliente 1000 resin, hirak ne’e sira nebe mak tama ona iha MR nia data base nebe agora sai bo’ot ona. Sira ne’e hanesan loke loza boot fa’an kareta no balu halo faan deit motor ojek, tamba hirak ne’e balu iha motor ojek to’o sanulu resin.

“Iha 2011 klientes sira nebe mak impresta osan husi $3.000.00 ba to’o $5.000.00, barak mos sai ona husi micro low passa ona ba imprestimu ki’ik maibe produtu mak oin seluk ona. Tamba sira mircro low entaun sira tenkiser kontinua, wainhira sira pasa ona ba iha imprestimu ki’ik mak foin bele hamrik mesak, ida ne’e sira bele husu to’o $10.000.00,” dehan nia.

Nia haktuir katak, sira nebe mak sussesu ne’e iha areas barak hanesan transportasi, loke Lojas, balu loke restaurante mak hanesan iha Aileu iha restaurant tolu, iha Ainaro iha restaurant rua, iha Suai ida inklui loke mos officinal (bengkel) nune’e iha balu loke deit loja nebe mak fa’an deit sasan konaba konstrusaun sivil deit, ida fali sosa deit fos hodi fa’an fali ba konsumedor sira, nune’e mos sira nebe mak hela iha fronteira, fa’an deit karau ba fa’an iha Timor Osidental.

Nia haktur tan katak, antes ne’e iha kliente balu mos la dun satisfas ho kreditu nebe mak MR fo nia kliente sira, tamba diskomfia halo manipula iha momentu halo kreditu. Dehan katak balu fo kreditu la tuir regras nebe mak MR iha ona, tamba tuir regulamentu nebe mak MR iha katak, kliente se deit nebe mak kreditu iha MR ba dahuluk ne’e, sira tenke foti deit.

Managing ne’e hateten katak sira labele fo kedan kreditu osan bo’ot razaun tamba sira seidauk kuinesi didiak ema ne’e, wainhira sira fo kreditu bo’ot kliente ne’e foti ona osan ne’e to’o ona putaran ke lima no mos selu ona dala lima no selu laiha problema mak sira foin bele fo liu $1000. 00. Tamba MR hetan asina konvensaun Internasional (Movimentu Internasional) nebe atu proteze kliente, tamba wainhira sira la selu sira labele fo sala ba ema ida, ho rajaun ida ne’e mak ba kliente se deit mak foin mai haklo kreditu labele liu husi $100.00.

Moris Rasik agora iha politika ida, iha fatin nebe mak MR serbisu, sempre iha numeru telephone no E-mail acces ida, nune’e karik sira hare buat ruma sala, sira bele uza numeru ne’e telephone mai iha Moris Rasik, tamba ami labele fo impresta ema nebe mak laiha kibi’it fo impresta kedan $1000.00 tamba serbisu ida konaba $5.000.00 so hau deit mak bele aprova, ema seluk la bele aprova. Tamba ne’e staff sira nebe mak tun ba baze ne’e labele halo manipula, tamba hau deit mak bele aprova,” dehan Lola.

Nia konfesa tan katak, $3.000.00 deit mos ema seluk labele aprova tenki operation manager mak aprova, tamba la iha Unit Manager ida ou Regional Manager ida mak bele aprova $3.000.00, ne’e labele. Nia dehan $3.000.00 so bele aprova deit iha Managing Operatio nia office, tamba ne’e, nia parte la fiar iha manipulasaun iha baze. (R-5)