DĺLI----Konsellu Ministru (KM) liu husi Ministru Prezidensiá Konsellu Ministru (MPKM) Fidelis Manuel Leite Magalhaes, Hatete, reuniaun Konsellu Ministru aprova ona definisaun montante osan ba kompensasaun uzu ba terrenu, tanba implementasaun husi projetu konstrusaun instalasaun Institutu Politekniku Betanu (IPB).
"Konsellu Ministrus hala'o sorumutu no aprova ona projetu rezolusaun governu nian, ne'ebé aprezenta husi Ministru Ensinu Superior, Siénsia no Kultura, kona-ba definisaun montante osan ba kompensasaun uza ba terrenu tanba implementasaun hosi projetu konstrusaun instalasaun u Fidelis ba jornalista hafoin remata reuniaun KM iha Palásiu Governu, Kuarta (10/05).
Ministru dehan, Projetu ida-ne'e hanesan obra fundamentál ida hodi hadi'a liután setór ensinu superior públiku nasionál nian, hodi buka atu kapasita no hadi'a kualidade rekursu umanus iha Timor-Leste iha nivel tékniku. "Montante másimu ne'ebé prevee iha tabela aneksa ba Rezolusaun Governu, ne'ebé fahe tuir tipu konstrusaun/edifisiu, kultura agrikola ai-hun no benfeitoria sira seluk ne'ebé existe iha terrenu sira ne'ebé inklui ona ba projetu konstrusaun Instalasaun Politekniku Betanu nian," tenik nia. (BT)
