DĺLI----Timor-Leste (TL) realiza asina memorandu entre Estadu Unida Amérika (EUA) hodiofrese bolsa-estudu ba estudante Timoroan ho montante orsamentu hamutuk $150,000 ho reprezentativu husi embaixada Amérika liu husi fundu dezenvolvimentu kapitál umanu iha Timor-Leste.
Tuir Diretór ezekutivu Fundu Dezenvolvimentu Kapital Humanu (FDCH) Cristovão Dos Santos Hateten, Ohin asina akordu teknika fundos dezemvolvimentu kapital nian ho institutu nasional nian hodi haruka Timor oan sira ba eskola iha EUA.
“Liu husi akordu ida ne'e balun sei liu husi FDCH balun husi EUA, parte rua ne'e hola responsabilidade hotu ba ita nia emar ou joven sira ne'ebe mak atu ba kontinua sira nia estudu iha EUA no planu ba iha inisiu ne'e nain rua mak sei aranka ba eskola iha ne’eba,” hatete Diretór ezekutivu Fundu Dezenvolvimentu Kapital Humanu Cristovão Dos Santos ba jornalista sira iha nia knar fatin FDCH Palasiu Governu nia sorin, Sesta (05/05).
Nia hatutan, Agora sei iha prossesu selesaun dokumentus, rekrutamentu depois kuandu hotu mak sira bele ba kontinua sira nia estudu iha ne'eba, atu ba Estadus Unidus tenke iha koñesimentu kona ba lingua nomos koñesimentu kona siensia mos tenke aas liu, tanba sistema esdukasaun iha Estadus unidus ne'e aas tebes, nune'e Timoroan ne'ebe ba iha ne'eba mos tenke prepara aan didiak.
Nia haktuir, Prosesu ne’e hahú iha tinan ida ne'e bele hahú aulas, sira nia grau akademiku ne'e ba mestradu no sei kontinua tan planu agora na'in rua ba futuru depois mak hare’e, depende ba orsamentu ho komunikasaun governu Timor-Leste entre governu EUA, tanba ne’e mak iha inisiu ne'e preve orsamentu hamutuk dolar Amerikanu $150,000 ba ema nain-2.
Nia haktuir, Apoia finanseiru adisionál ba bolsa-estudu ensinu superior ba durasaun tempu to'o tinan lima oin mai liu husi fundu dezenvolvimentu kapitál umanu, Timor-leste sei kompromete mais ou menus $150,000 iha tinan 2023 hodi fó apoia ba estudante Timoroan hamutuk na'in tolu (BT)
