DĺLI----Konsellu Ministru (KM) liu husi Ministru Prezidensiá Konsellu Ministru (MPKM), Fidelis Manuel Leite Magalhaes, KM Aprova rezolusaun Governu nian ne'ebé aprezenta husi Ministru Turizmu Komérsiu no Indústria (MTKI) ba alterasaun dahuluk Estatutu Komisaun Nasionál ba Fasilitasaun Komersiu (CONFAC).
"Konsellu Ministru hala'o sorumutu no aprova rezolusaun governu nian, ne'ebé aprezenta husi Ministru Turizmu Komérsiu no Industria ba alterasaun dahuluk estatutu Komisaun Nasionál ba fasilitasaun komersiu nian (CONFAC) ne'ebé aprova husi rezolusaun governu nian n.6/2016 loron 17 fulan Fevereiru," informa Ministru PKM Fidelis Magalhaes ba Jornalista hafoin reuniaun KM iha Palásiu Governu, Kuarta (03/05).
Ministru dehan, Alterasaun ba estatutu CONFAC nian dadaun ne'e ho ninia objetivu atu hadia, dinamiza no akompaña implementasaun prosedimentu sira ne'ebé relasiona ho fasilitasaun komersiu tuir regra sira husi organizasaun komersiu nian (OMK) no husi Asosiasaun Nasoens Sudeste Aziatiku nian (AZEAN).
"Ida ne'e importante tebes, tanba nia sei fasilita liu tan atividade komersiál Timor, liliu Timor-Leste ho nasaun sira seluk, entaun iha rezolusaun ne'ebé mak aprovadu ohin kria define nia membru sira, mezmu tempu mós kria mekanizmu ba Ministeriu tolu ne'ebé mak sei Koordena servisu ne'e," dehan Ministru.
Nia tenik, Ministru Koordenador Asuntus Ekonómikus (MKAE), Ministru Turizmu Komérsiu no Industria (MTKI) no Ministru Finansas (MF) mak sei Koordena ba serbisu sira ne'e. (BT)
