DĺLI----Konsellu Ministru (KM) liu husi Ministru Prezidensiá Konsellu Ministru (MPKM), informa Konsellu Ministru aprova rezolusaun governu nian kona-ba rejista planu dezenvolvimentu mina ba tinan 2023-2028.
"KM aprova projetu kona-ba rezolusaun governu nian ne'ebé aprezenta husi vise Primeiru Ministru no Ministru Planu Ordenamentu kona-ba Rejista planu dezenvolvimentu nian ba tinan 2023-2038," Hatete Ministru PKM Fidelis Magalhaes ba Jornalista hafoin Reuniaun KM iha Palásiu Governu, Kuarta (03/05).
Ministru dehan, Ho diploma ida ne'e governu deside, aprova servisu sira komisaun interministerial nian ba Rejustamentu Planu Estratejiku Dezenvolvimetu 2011-2023, ne'ebé sei tau iha planu Estratejiku Dezenvolvimetu Reasjustadu tinan 2023-2038.
Nia tenik, Husu aprovasaun husi Parlamentu Nasionál kona-ba planu Estratejiku Dezenvolvimetu Reasjustadu ne'ebé hatuur iha anesku husi rezolusaun ida ne'e no nu'udar parte ne'ebé integrante.
"Rekomenda governu tuir mai atu hahú prosesu aprovasaun ba lei enkuadramentu planeamentu estratejiku nian ho objetivu atu kria enkuadramentu estruturadu ba opsaun Estratejiku hotu-hotu, nune'e atu promove implementasaun planu estratejiku dezenvolvimetu reasjustadu tinan 2023-2038 ne'ebé planu ne'e vinkula entidade hotu Setor públiku nian no iha medida sira ne'ebé determina ona husi Setor privadu no kooperativa sira," dehan Ministru.
Ministru Rekomenda ba instituisionalizasaun atu halo ezersisiu planu estratejiku integradu nian, iha longu prazu no médiu prazu no elabora estudu nian hodi kontinua apoia ba adoptasaun planu ida ne'e nian ba karakteristika no nesesidade sira interna nasaun nian. Rekomenda atu konsolida hodi adopta medida estratéjika sira no husi rezultadu sira ne'ebé prevee ona iha planu estratejiku dezenvolvimetu reasjustadu nian ho informasaun sira ne'ebé iha relatoriu sensu tinan 2022 nian. (BT)
