DÍLI----Konfederesaun Sindikatu Timor Leste (KSTL) Servisu hamutuk ho Sekretariu Estadu Formasaun Profesional no Empregu (SEFOPE) inklui Camȃra Comercio e Indústria de Timor Leste (CCI-TL) hodi selebra loron mundial traballador iha Timor Leste (TL), ho nia tema “hametin dame no promove traballu dignu no servisu ba dezemvolvementu nasaun ho direitu no prosperu”.
Tuir presidente CCITL Jorge Manuel de Araúju Serrano hatete, CCI-TL prontu nafatin servisu ho governu no estadu nomos hamutuk ho sindikatu sira hodi hadia naksalak sira ne'ebé durante ne'e la lo'os.
“Ha'u hanoin sei ita fó servisu ba malu tanba ita presiza malu hodi kompleta malu, tuir lolo'os mak ne'e ita nia hinu nasional patria laiha esplosaun, ita la bele esplora malu, esplosaun ema ba ema ne'e la lo'os maibé di'ak liu meus ne'ebé di'ak liu mak ne'e, ita nia ambiente foun ida ita dokumunita,” hatete presidente CCITL Jorge Manuel de Araúju Serrano ba jornalista hafoin iha Largo Lecedere, Segunda (01/05).
Nia hatutan, Ohin direitu ba festa traballador sira hotu marsa sira nune’e CCI-TL kongratula ho hakru'uk maibé la bele de'it ba asaun loron ohin, buka nafatin dokumunita loron-loron atu nune'e hadia ambiente sira.
Aleinde ne'e mos presidente CCI-TL hato'o rekomendasaun katak, vontade iha nafatin apela ba maluk emprejariu sira hotu iha loron importante ida ne'e atu atensaun maka'as ba parseiru servisu hotu-hotu.
Iha fatin hanesan Sekretariu Estadu Formasaun Profesional no Empregu (SEFOPE) Alarico do Rosario reafirma, komemora loron traballu Mundial ne'ebé mosu iha loron 1 fulan Maiu, hamutuk no promove traballu dignu no dialogu sosial hodi garante protesaun sosial no garantia traballadores. “Loron 1 Maiu nu'udar loron importante ba traballador sira nia identidade ne'ebé maka individu liu-liu ba SEFOPE nu'udar instituisaun estadu ida ne'ebé responsavel ba area traballu no formasaun profesional empregu iha Timor Leste, ” Katak nia.
Nia salienta komemorasaun loron 1 Maiu hanesan momentu ida ba ema hotu atu halo refleksaun kona-ba kna'ar hodi promove traballu dignu no inkluzivu iha Timor Leste. Ba merkadu traballu tinan 2022 ne'ebé aprezenta ona informasaun kona-ba pendensia empregu nian, demanda no oporta iha merkadu traballu sai baze ida ba ema hotu-hotu atu komprende. No dezemvolvementu ekonomia oinsa promove empregu no asegura traballu dignu no inkluzivu iha Timor Leste.
“Mandatu VIII governu aprezenta ona lei seguransa iha servisu fatin no iha parlamentu nasional ita hein nai presidente da Republika José Manuel Ramos Horta bele promulga iha Tempu badak. No iha mandatu VIII Governu nasional sei aprova mos regulamentu kona-ba saláriu minimu iha mandatu ne'e governu pratikamente SEFOPE prepara ona aprezentasaun iha lei sira ne'e, lei sira ne'e inklui alterasaun lei traballu. (BT)
