LAUTÉM----Vise-Ministru Admnistrasaun Estatal (V-MAE) Lino de Jesus Torezão diretamente fó tomada de pose ba emposadu Sekretáriu Munisípiu Lautém (SML) ba mandatu durante tinan-5.

"Iha serimónia tomada de pose ida ne'e, ita hakarak hanoin hikas funsaun sekretáriu munisipal ne'ebé mak hanesan komprimísiu governu sentral nian, hakarak optimista prosedimentu sira hotu ne'ebé mak iha relasaun ho atendimentu públiku povu sira nian," Dehan Vise-Ministru Admnistrasaun Estatal (V-MAE) iha nia diskursu iha ámbitu serimónia tomada de pose iha Salaun Administrasaun Munisípiu Lautém, Kinta (27/04).

Governante ne'e akresenta, Governu sentral deposita ninia konfiansa tomák, ba sekretáriu foun munisipiu Lautém, atu hala'o ninia kompeténsia tomák tuir dalan lei ninian, atu tulun administrador munisípiu, tanbá iha despaixu MAE nian ne'ebé hakerek aliña B númeru 1 artigu 37 no iha dekretu Lei númeru 14/2018, 16 Agostu hanesan dekretu ida ne'ebé altera ona ba dala 3.

Nia subliña, Asiste serimonia tomada de posse ba sekretáriu foun munisípiu Lautém, hanesan jestu governu nian, tenke mantein relasaun di'ak ho administrador, sekretáriu foun munisípiu Lautém.

“Bainhira hala'o mandatu tenke tau iha ita nia neon katak, ita sei tulun administrador munisipal ida hala'o ninia funsaun sira hodi kumpri prinsipiu ne'ebé hakerek iha artigu V dekretu Lei N°- 3/2016 hodi servi ba interese públiku boa administrasaun. Hetan oportunidade di'ak no iha kapasidade, atu fo kontribuisaun bo’ot ba nasaun no povu ida ne'e, senti orgullu, tanbá ha'u hadomi rai no povu hodi servi. Sekretáriu foun Munisipiu Lautém prontu responsabildade atu servi ba povu no rai ida ne'e, povu bele hetan moris di'ak no rai ne'e bele iha dezenvolvidu, bainhira Lautém governu fo fiar atu hetan Prezidenti Autoridade, Lautém sei di'ak liu Munisipiu sira seluk, tambá ami iha kapasidade jestaun, kapasidade kultural sosiedade, rekursu naturais ne'ebé sufisiente no ami mós iha kultura metin, konflitu sei la akontese ami nia unidade no amizade metin ,” katak nia.

Nia esplika, Durante mandatu tinan-5 la’os atu halo milagre, maibé hakarak hamutuk ho povu Lautém no agradese tebés, ba Na'in Maromak no funu na'in sira ne'ebé dedika an tomák hodi liberta ba rai no povu ida ne'e hodi servi rai no povu ida ne'e, nune'e hamutuk no lolo liman ba malu sai ida de'it, hodi servisu hamutuk atu foti desizaun ruma ba rai no povu ida ne'e nia futuru mak hamutuk Lautém forsa i forsa hamutuk Lautém bele.

“Lautém oan sira ne'ebé mak matenek mai ita hamutuk ona tanbá ha'u mak imi nia maun alin no oan, imi nia forsa no tulun ha'u presiza tebés, ba maun alin joven rejistensia sira ha'u reprezenta imi hamrik iha ne'e, atu kontinua ita nia inan aman sira nia obra no atu kontinua ita nia misaun ne'ebé mak seida'uk atinje ba rai ida ne'e. Nune'e mai ita hamutuk atu lori ita nia povu ba moris di'ak no hakmatek, ha'u sei lala'o ho ema seluk, maibé ha'u seí la'o ho imi no Administrador Munisípiu Lautém,” tenik nia.

Enkuantu iha atividade Serimónia Tomada de Posse ne'e hetan Partisipasaun mai husi Vise-Ministru Admnistrasaun Estatal (V-MAE) ho ekipa, Administrador Munisípiu Lautém (AML) Administrador Postu Administrativu 6 iha Munisípiu Lautém, Diretor Servisu Munisipais, Kargu Xefia sira, Diretor Kada Instituisaun iha Munisípiu Lautém, reprezentante Komandante PNTL Munisipiu Lautém, reprezenta Prezidenti Conselhu Combatentes Libertasaun Nasionál (CCLN), Munisípiu Lautém, Diretor Operadór Timor Telecom, Telcomsel, Telemor iha Munisípiu Lautém, Amo Parokia São Paulo Lospalos no Madre, funsionáriu Administrasaun no konvidadus sira seluk. (BT)