DÍLI----Governu liuhusi Diresaun Jeral Servisu Nasionál Ambulansia Emerjensia Medika (SNAEM) Ministeriu Saúde (MS) nian fó agredesimentu ba Governu Indonesia ne’ebe mak tulun ona Ambulansia Mediku hodi tranfere moras husi illa rua Atauru no Oe-Cusse ba Hospital Nasionál Guidu Valadares (HNGV).

Tuir Diretór Jeral Servisu Nasionál Ambulansia Emerjensia Medika (SNAEM) Oracio Sarmento Da Costa, Hatete, Reprezenta Governu fó agredesimentu ba Governu Indonesia liuhusi kooperasaun ne’ebé mak halo bele entrega ona Ró Ambulansia Mediku ida hodi oinsa bele utiliza tranfere moras husi illa rua Atauru no Oe-Cusse ba HNGV.

“Ohin ita halo serimonia entrega ró ambulansia ida ne’e, iha instituisaun SNAEM hato’o agradesimentu ba Governu Indonesia liu husi KBRI ba kooperasaun ne’ebé mak halo ho Governu Timor-Leste mak ohin bele entrega Ró Ambulansia Saúde ba servisu transferensia moras husi illa atauru no oe-cusse ba Hospital Nasionál Guidu Valdares,” Hateten Diretór Jeral SNAEM, Oracio Sarmento Da Costa ba liuhusi diskursu iha Portu Dili, Kinta (25/11).

Nia hatutan, Ro ida ne’e bele apoiu ba Ministeriu Saúde liliu Instituisaun SNAEM ne’ebé mak responsabiliza ba iha servisu Transferensia moras nian iha rai laran hodi bele halo alokasaun ba iha pasiente sira tantu iha atauru no mós husi RAEOA.

Nia dehan, Ro ida ne’e wainhira nia to’o iha ne’e sai husi Surabaya ba Sumbawa mai Flores no to’o iha timor-leste ita hare’e katak, ninia kapasidade no forsa atu bele fó atendimentu ba iha ita nia illas atauru ho Oe-cusse bele responde, tanba nia la’os tula husi ro seluk, maibé nia halai iha area ne’ebé mak dook.

Ministeriu Saúde durante ne’e iha de’it kooperasaun iha akordu ho aviaun mak bele halo evakuasaun ba ita nia parseiru sira, maibé aviaun ne’e nia operasaun so bele halo de’it iha loron, entaun iha kalan ita labele responde pasiente sira ne’ebé mak husi atauru no oe-cusse presija iha tempu kalan ita lebele responde.

Nia Afirma, Dala barak ita iha xamada ruma iha kalan ital abele atende, husu apoiu iha polisia unidade maritima sira, mais dalaruma sira iha problema ita labele responde atu nia ema sira dalaruma hakotu iis tanba kapasidade ka atendimentu seidauk bele, ita-nia pilotu sira mós seidauk iha kondisaun atu aviaun semo iha kalan, tanba ne’e mak durante ne’e ita-nia aviaun atende iha loron de’it kalan seidauk bele atende.

“Ha’u hanoin ho apoiu governu Indonesia nian liu husi ro ambulansia ida ne’e apresia tebes no bele apoiu ona MS liliu husi servisu Nasionál Ambulansia Mediku bele responde ba komunidade sira ne’ebé presija hetan atendimentu saúde di’ak liu tan iha HNGV,” Tenik nia.

Nia esplika, SNAE hanesan instituisaun ne’ebé mak foin hari’i husi tinan 2021 ho orgullu boot ro ambulania ida ne’e bele ona ajuda halo evakuasaun ba maluk sira, maibé ne’e mos aumenta responsabilidade boot ba instituisaun SNAE bele garante no kuidadu nafatin ro ida ne’e ho kondisaun ne’ebé mak di’ak bele fo atendimentu tuir nesesidade komunidade nian.

“Tanba ne’e teknikamente SNAE sei halo nafatin Koordenasaun ho parte relevante sira hodi nune’e bele apoiu nafatin liliu iha aspetu sir abele asegura nafatin ro ida ne’e kondisaun ne’ebé mak di’ak,” Salienta nia.

Iha sorin seluk, Reprezentante Ministeriu Finansas (MF) liu husi Diretor Jeral Jestaun Rekursu Externu(JRRE), Antonio Freitas, Hatutan, Ro Ambulansia Mediku ohin Governu Timor-Leste simu hanesan rezultadu akordu ne’ebé asina iha loron 17 Dezembru tinan 2020 ne’ebé asina husi MF ho Embaixada Indonesia, prezenti iha ajuda ne’e ho valor orsamentu $200 mill dolar Amerikanu.

“Ro ambulansia mediku ne’ebé ohin governu timor-leste simu hanesan rezultadu akordu ne’ebé mak asina iha loron 17 dezembru tinan 2020 ne’ebé asina husi Miniteriu Finansas ho Embaixada Indonesia, prezenti iha ajuda ne’e ho valor Orsamentu $200 mill dolar Amerikanu,” Haktuir Diretor Jeral JRRE, Antonio Freitas.

Nia salienta, Ro ambulansia ne’e hanesan simbolu amizade durador no forte iha instituisoens rua ne’e nian, ro ambulansia medika ne’e sei transporta rapidamente ba pareseiru sira ne’ebé mak moras husi atauru no mos pasiente sira ne’ebé mak presija transporte maritima ninia ambulansia ba tratamentu iha Dili.

Nia subliña, Ro Amubulasia Medika ida ne’e ekipadu no mós ekipamentu mediku ho Altot ro ne’e ho karakter ne’ebé mak sei redus tempu viajen iha situasaun ne’ebé mak kretika iha minutes ida de’it bele halo diferensia entre moris ho mate.

“Osan transfere mai konta governu uza aprovizionamantu governu nian, ida ne’e modalidade ida ne’ebé mak ita prefere ba prestasaun asistensia judiexterna nian, ha’u oportunidade ida ne’e hakarak fó agradesimentu ba konfiansa ne’ebé mak mai husi nasaun republika Indonesia, tanba sira hahu ona halo hanesan suporta orsamentu direitu ba OJE,” Subliña nia. (BT)