DÍLI----Sekretáriu Estadu Formasaun Profisionál no Empregu (SEFOPE) liu-husi Diresaun Nasionál Empregu Exteriór (DNEE) ne’ebé servisu hamutuk ho Korean Student Languege Program (KSTL) korea, hahú ona fó kursu ba Timor-oan sira ne’ebé liu ona teste kursu li’an korea iha fulan kotuk hamutuk rihun ema na’in-2023.

Tuir Diretór Diresaun Nasionál Empregu Exteriór (DNEE) Filomeno Soares, Hatete, KSTL Hahu fó formasaun ba formandu sira ne'ebe mak liu teste iha fulan kotuk.

“Timor-oan sira ne’ebé iha fulan kotuk tuir teste atu tama kursu lian korea pasa, ohin ba faze dahuluk hahú ona tama kursu iha eskola lian Korea Bekora, no faze segundu sei hahú iha tinan 2022,” Hateten Diretór Diresaun Nasionál Empregu Exteriór (DNEE) Filomeno Soares ba Jornalista sira iha DNEE SEFOPE, Bekora (24/11).

Diretór dehan, Razaun kursu lian korea fahe ba faze rua tanbá, fatin atu akumula Timor-oan sira atu kursu mak la to’o, ho ida ne’e mak fahe ba faze rua, maibé durasaun ba kursu fulan neen hanesan.

“Timor-oan ne’ebé teste pasa atu kursu lian korea hamutuk ema na’in rihun-rua-rua-nulu-resin-tolu (2023), kompostu husi feto na’in atus-rua-hitu-nulu-resin-hitu (277) no mane rihun-ida-atus-hitu-haat-nulu-resin-neen (1746),” Afirma nia. (BT)