DÍLI----Governu liuhusi reuniaun Konsellu Ministru aprova projeitu dekreitu lei rejime juridiku Ministeriu Ensinu Superior Siensia no Kultura (MESSK) kona-ba kurríkulu padraun nasionál ensinu superior.

Tuir Ministru Presidensia Konsellu Ministru (MPKM) Fidelis Manuel Leite Magalhães, hatete, Governu liu husi Konsellu Ministru aprova projetu Dekretu-Lei, ne’ebé aprezenta husi Ministru Ensinu Superiór Siénsia no Kultura kona-ba rejime jurídiku ba kurríkulu padraun nasionál ensinu superiór nian.

“Aprova mós projetu Dekretu-Lei, ne’ebé aprezenta husi Ministru Ensinu Superiór Siénsia no Kultura, Longuinhos dos Santos, atu estabelese rejime jurídiku kona-ba kurríkulu padraun nasionál ensinu superiór nian no regulamenta sistema bináriu, rejime jurídiku ba grau no diploma sira ensinu superiór nian, kondisaun ba ninia atribuisaun, sistema kréditu, kalendáriu letivu, sistema avaliasaun ba unidade kurrikulár no konkluzaun ba programa estudu sira,” Hateten Ministru Presidensia Konsellu Ministru (MPKM) Fidelis Manuel Leite Magalhães ba Jornalista sira iha salaun PCM, Palasiu do Governu, Kuarta (24/11)

Porta-Voz Htutan, Dekretu-Lei ne’e ho objetivu atu, Regulamenta no dezenvolve diploma no grau sira ne’ebé sistema ensinu bináriu bele oferese ba estudante sira ensinu superiór nian no garante sistema transferibilidade ida entre sira ne’e rasik.

Ministu Fidelis dehan, Garante koñesimentu no kompeténsia mínimu ne’ebé presiza hodi hala’o profisaun determinada ida, Define sistema avaliasauan ida ba ensinu superior, Halo estudante sira sai emprendedór no kompetitivu liu iha merkadu traballu atuál nasionál no internasionál, garante koñesimentu no kompeténsia sékulu 21 nian ba sira.

“Permite atu alunu no dosente sira ensinu superiór nian bele uzufrui kuadru mobilidade nasionál no internasionál nian ida iha sira nia planu estudu, nune’e mós iha sira nia kompeténsia rekoñesida iha merkadu traballu internasionál, no Fasilita prosesu rekoñesimentu ba diploma ne’ebé alunu sira hetan iha estabelesimentu ensinu superiór nasionál iha nivél internasionál nune’e mós permite rekoñesimentu ba diploma sira ne’ebé hetan iha estranjeiru iha nivél nasionál,” Afirma Porta-Voz Governu, Fidelis Manuel Leite Magalhães. (BT)