DÍLI----Diresaun Nasional Empregu no Exterior (DNEE) Sekretariu Estadu Formasaun Profisinal no Empregu (SEFOPE) sei haruka Traballador na'in-21 Ba Koreia Do Sul iha Sexta (26/11) Semana ne’e.

Tuir Diretor Diresaun Nasional Empregu Exterior (DDNEE) Filomeno Soares, Hatete, Traballador sira ne'e asina ona akordu entre Familia ho Governu atu servisu iha Koreia Do Sul tanba Sexta agora trabalador hirak ne’e aranka ona ba Koreia do Sul.

“Ita-nia Alin Traballador sira hamutuk nain-21 sei aranka ba iha Koreia Do Sul Iha loron 26 semana ne'e, antes atu aranka sira sei tuir prosesu lubuk ida mak sira halao, ohin hamutuk ho Familia asina ona deklarasaun entre Familia ho Governu signifika katak atu iha ligasaun ida metin atu familia responsabel 50% no Governu 50%, karik mosu problema ruma ita hotu iha responsablidade atu resolve,” Hateten Diretor Diresaun Nasional Empregu Exterior (DDNEE) Filomeno Soares ba Jornalista Sira iha Salaun DNEE, Bekora, Kuarta (24/11)

Nia Htautan, Traballador sira ne'e ba servisu iha Area peskas hotu no nain-21 ne'e maioria Mane hotu. “Ami kontinua Orienta ba sira mak kuidadu sira nia Saude tanba sira sei tes tan Medikal dala ida tan iha Koreia atu nune'e sira bele tama Servisu, antes atu aranka aban sira sei teste PCR no loron ida kalan ida iha Kuarentena, ne'e tuir rekejitus ne'ebe mak Koreia fo ba ita, Dook husi Familia atu evita moras Covid,” Afirma nia.

Nia Informa, Se sira teste mak hetan moras ita tenke Kumpri no kansela tanba ida ne'e regras Husi Koreia no ministru Saude iha Kompetensia atu fo sai rejultadu no Nudar Sekretariu estadu prontu simu Rejultadu Negativu.

Iha fatin Hanesan Familia husi Traballador, Salvador Santos Gomes nudar Familia Sente Orgulho tanba alin bele hetan oportunidade ba Servisu iha Koreia Do sul. “Ha'u sente kontente tanba situasaun Familia nian Obriga Alin sira hetan oportunidade atu ba servisu Iha Rai Liur, hodi Sustenta Familia, Espera katak nia bele ba Servisu atu nune'e hare'e fali familia sira seluk,"katak Familia husi Traballador Salvador Santos Gomes.

Liamenon husi Familia ba Traballador sira hanesan Familia Boot ida ba Kuidadu malu, hanoin mak Servisu oinsa mak Sai Traballador ne'ebe mak ba Nasaun seluk ne'e lori nasaun nia naran ho Responsablidade no sai Kontribuisaun fali nia Nasaun. (BT)