RAIMEA----Oraganizasaun SAPIP liu hosi nia programa Hasae Produtividade Agrikultura Sustentavel (HAPAS) apoiu orsamentu ho montante hamutuk dolar Amerikanu rihun hitu nulu atus lima ($70.000.500) ba grupu benefisariu 8 kompostu husi ema na’in-266 iha Suku Raimea, Postu Administrativu Zumalai, Munisipiu Covalima.

Tuir Koordenador SAPIP/HAPAS, Leinito do Nascimento, Hatete, Liuhusi distribuisaun ho montante hamutuk rihun $70 resin ne'e hanesan distribuisaunfaze daruak nian no fundus ba ema na’in-266.

“Ohin ita hotu mai halibur malu iha fatin ida ne’e SAPIP liu hosi ninia progrrama HAPAS hakarak distribu orsamentu ho montante rihun $70 ba ba grupu benefisariu ema 266 iha Suku Raimea" informa Leonito do Nascimento,” Hateten Koordenador SAPIP/HAPAS, Leinito do Nascimento liuhusi Diskursu iha Raimea, Tersa (23/11)

Enkuantu, Diretor Servisu Agrikultura no Peska Munisipiu Covalima, Jefrino Guterres, konsidera fundus ne'ebe SAPIP/ HAPAS ne boot tanba ne'e husu ba grupu agrikutor sira atu utiliza orsamentu ne'e ho didiak hodi bele hadia ekonomia iha grupu laran no hadia famili uma laran.

“Ita bolu dehan fundus kiik mas orsamentu ne’e Nia valor boot, programa ida ne'e ita bolu naran HAPAS ne'e buat ida bolu Hasae Produtividade Agrikultura Sustentavel, sustentavel ne'e buat ida dehan karik la kotu-kotu, sustentavel kuandu ita produs buat ida, ita hili atividade ida ne'ebe ita uza osan ne’e iha hanoin katak implementa ne'e labele kotu-kotu,” Dehan Diretor Servisu Agrikultura no Peska Munisipiu Covalima, Jefrino Guterres.

Sikun seluk, Xefe Suku Raimea, Januario Gomez Nahak, Agradese ba programa SAPIP-HAPAS nian tanba povu iha suku Raimea hetan ona apoiu hodi bele hadia ekonomia iha grupo laran no hadia ekonomia uma laran.

Entretantu reprezenta Grupu We Lulik Haburas Oebaba, João ATI Soares, ne'ebe durante ne'e hakiak manu lokal kompremete sei utiliza osan ne’e ho didiak hodi bele hadia ekonomia familia uma laran no mos iha grupu laran.

Entretantu Orsamentu ne'ebe ho montante rihun 70 resin ne'e apoiu ba grupo 8 hanesan atu hodi utiliza ba iha atividade hakiak manu likal, hakiak fahi Makau, hakiak karau inklui hakiak a8mans no tomati, enkuantu atividade ONG SAPIP/HAPAS distribui orsamentu ba grupo agrikutor sira iha Raimea realiza Segunda (22/11). (BT)