DÍLI----Ministru Administrasaun Estatal (MAE) Miguel Pereira de Carvalho atualiza preparativus loron Proklamasaun Indepedensia ba dala 46 ne’ebe seí realiza iha Darisula Munisipiu Baukau ba Primeiru Ministru Taur Matan Ruak ne’ebé maka prezide husi Prezidenti Repúblika (PR) Françisco Guteres Lu-Olo.

“Ha’u mai atualiza ba Primeiru Ministru (PM) kona-bá preparativu selebrasaun 46 aniversariu propklamasaun da indepedensia ne’ebe maka tinan ida ne’e sei realiza iha Darisula Munisipiu Baukau, ba aktividade sira ne’ebe maka hahú ona iha teritoriu laran tomak, inklui aktividade desportu komunitariu sira, ne’ebe maka organiza husi Sekretariu Estadu Juventude no Desportu (SEJD) nomos Aktividade feira ne’ebe maka agora dau-daun akontese iha Munisipiu barak liu-liu iha Munisipiu Baukau, ne’ebe maka hahú feira loke ona iha loron 22 to’o 28 fulan Novembru tinan ida ne’e,” Hateten Ministru Administrasaun Estatal (MAE) Miguel Pereira de Carvalho ba Jornalista sira iha Palásiu Governu, Tersa (23/11).

Nia Hatutan, Loron 28 Novembru sei realiza inaugurasaun oi-oin, ba projeitu sira ne’ebe maka VIII Governu realiaza iha tinan ida ne’e nia laran tanba MAE konvida ona altas indentidade sira hodi hala’o inaugurasaun ba projeitu sira ne’ebe maka iha.

“Ha’u informa mós até 28 de Novembru sei realiza inaugurasaun oi-oin projektu sira ne’ebé realiza iha tinan ida ne’e, ha’u konvida ona alta entidades sira atu ba inaugura projektu sira ne’e, í ha’u informa mós selebrasaun 28 Novembru tinan ida ne’e, iha 27 de Novembru sei realiza missa de agradesimentu iha Igreja de Baukau depois de misa sei kari aifunan iha jardim do Erois Fatumaka, no ikus liu 28 mak sei hasae Bandeira prezidi direita husi Sua Eselénsia Prezidente da Repúblika, lokraik hatun bandeira sei preside husi Parlamentu Nasionál no kalan sei iha divertimentu konsertu muzikal iha kampu isar bandeira,” Informa nia.

Nia dehan, Kona-bá projeitu atu inaugura, ne’ebe maka iha Ministeriu Turismu Komérsiu no Indústria (MTKI) halo lansamentu ba primeiru pedra ba projeitu sira ba turismu komunitáriu nian iha Munisipiu Baukau.

Alende ne’e iha mos programa agroporizasaun, iha area Venilale nian, ne’ebe maka organizadu husi Ministeriu Agrikultura no Peska (MAP) no iha mos Programa Nasional Dezenvolvimentu Suku (PNDS) Uma Kb’it Laek (UKL) no Eskola sira.

Iha serimonia ne’e mos VIII Governu Konstituisional ne’ebe maka liuhusi Ministeriu Negósiu Estranjeiru no Kooperasaun (MNEK) konvida mos embaixadór ne’ebe maka reprezenta nasaun iha Timor-Leste no rai liur sei reprezenta mos loron importante ida ne’e. (BT)