DÍLI----Forum Orghanizasaun Naun Governamental Timor Leste (FONGTIL) husu Ministériu Saúde (MS) atu tau matan ba fasilidade saúde nomos presiza fó atensaun hodi aumenta númeru pesoal saúde ba Sentru Saude sira iha Postu Administrativu sira tanba Sentru Saude balun menus fasilidade.

Tuir Diretor Ezekutivu Forum ONG Timor-Leste (FONGTIL), Daniel Santos do Carmo, husu ba Ministériu Saúde (MS) atu bele tau matan ba sentru saúde sira ne’ebé mak menus fasilidade nomós presiza aumenta profesional pesoal saúde ba iha sentru saúde sira.

“Ministériu Saúde presiza tau matan ba fasilidade saúde tanba iha sentru saúde balun menus fasilidade, hanesan postu saude Railaco falta fasilidade oxijeniu hodi bele rezolve kazu emerjensia ruma no presiza fó atensaun hodi aumenta númeru pesoal saúde hodi fasilita atendimentu ne’ebé lalais bainhira populasaun sira simu vasina, nune’e labele difikulta komunidade hodi labele hein, liu-liu iha sentru saudé Bucoli,” Hateten Diretor Ezekutivu Forum ONG Timor leste (FONGTIL), Daniel Santos do Carmo, ba jornalista sira liu husi komunikadu imprensa iha Salaun FONGTIL Caicoli, Segunda (22/11)

Nia hatuta, FONGTIL kontinua halo monitorizasaun ba programa vasinasaun nune’e bele garante partisipasaun sidadaun hotu no suporta Governu hodi hadia prestasaun serbisu liu-liu parte vasinasaun nian hodi asegura prevensaun Covid-19 iha Timor-Leste, “Monitorizasaun sira halo ho organizdu husi mebru FONGTIL, tuir matadalan monitorizasaun ne'ebé kria ona ho pontuasaun valor 1 to'o 3, husi loron 15 to'o loron 17 fulan Nivembru, membru FONGTIL hamutuk 20 halo ona monitorizasaun iha Munisípiu 10 ho tarzeitu ba fasilidade saúde 31 no númeru monitiruzasaun hamutuk 63,” afirma nia.

Nia hatutan, Husi total monnitorizasaun 63 mak hala’o ba fasilidade saúde 31, hatudu ona rezultadu pozitivu ba kritéria jeral monitorizasaun vasinasaun, valor médiu minimu 2.55. Jeralmente husi dadus, monitorizasaun loron tolu husi loron 15 to’o loron 17 fulan novembru 2021, hatudu progresu pozitivu tanba iha koperasaun no kordenasaun ne'ebé metin entre serbisu saúde ho lider komunitariu, igreja no sosiedade sivil hodi enkoraja no promove partisipasaun komunidade iha vasinasaun.

Nia akresenta, Husi rezultadu monitorizasaun hatudu katak maske partisipasun tun sa’e maibé rekoñese katak, taxa partisipasaun aumenta maka’as tebes, komunidade ne’ebé mai simu vasina tanba hare sira nia maluk ne’ebé simu ona vasina kompletu rekopera husi moras ne’ebé durante ne’e sira sofre hanesan iis bo’ot, ruin sin konsege kura ida ne’e deskobre iha monitorizasaun iha sentru saúde komunitaria Becora no postu saúde Railaco, bainhira dada lia ho komunidade balun.

Maske nune’e sei iha prokupasaun ki’ik balun mak presiza fó atensaun, hanesan menus konsiensia komunidade hodi uza maskara no distansiamentu sosial iha fatin fasilidade saúde bainhira asesu ba vasinasaun. Preokupasaun kona ba partisipasaun komunidade ne’ebé tun sa’e kada loron, nune’e mos asesibilidade hanesan iha sentru saúde Vera Cruz no sentru saúde komunitaria Becora ho valor médiu 2 no iha parte Bucoli nian pesoal saúde la sufisiente no la iha fatin balun sei menus apoiu husi lider komunidade sira.

“Durante loron tolu, husi 15-17 fulan Novembru 2021, taxa partisipasaun komunidade iha fasilidade saúde 31 no númeru monitorizasaun 63 mak hala’o husi ONG 20, deskobre populasaun 4600, ho paetisipasaun feto 56% no total partisipasaun tomak 66% mak simu ona doze daruak,” Esplika nia.

Nia relata, Presiza kontinua serbisu kordenadu no integradu entre serbisu saúde, lider komunidade no parte igreja hodi dezimina informasaun ba komunidade iha area rural, fahe informasaun liu husi igreja no posibilidade maneira husi uma ba uma. Presiza haforsa lina kordenasaun entre autoridade lokal no membru konsellu suku sira hodi asegura komunidade bele hetan vasinasaun. Presiza efetividade halo kampana ka sosializasaun kona ba importansia vasina iha komunidade tanba iha fatin balun komunidade lahetan esplikasaun, rekomada nia.

“Observa ba monitorizasaun semanál no relatóriu sira, FONGTIL observa iha progresu pozitivu no husu ba entidade hotu atu kontinua kolabora hodi suporta Minitériu Saúde no jeralmente Governu hodi serbisu ba prevensaun surtu Covid-19, nune’e Timor-Leste bele hakat ona ba era normal,” Hakotu nia. (BT)