KOVALIMA----Komandante Polisia Nasional Timor-Leste (PNTL) Munisipiu Covalima, Superintendente, Antonio Maria de Sá, Informa, Ohin komandu Polisia Nasional Timor Leste Munsipiu Covalima tau ona Unidade Espesial Polisia (UEP) atu oinsa fó seguransa asistensia permanente ba investimentu aktividade perfurasaun iha Postu Mina Matan Feto Maus Suai.

“Agora daudaun ita-nia UEP sira nia misaun mai iha ne'e atu fo seguransa permanente ba atividade perfurasaun mina nian iha Munisipiu Covalima,” Hateten Komandante PNTL Munisipiu Covalima, Superintendente, António Maria de Sá, ba jornalista sira iha Postu Mina Matan Feto Maus Suai, Sexta (22/10).

Alende iha komando munisipiu iha mos forsa sira ne'ebe baibain temi iha parte avastadu nian tanba misaun ida ne'e mai, misaun ne'ebe espesial uitoan tanba bainhira atividade perfurasaun ne'e sei iha mos risku. “Komando munisipiu halo pedidu halo destaka UEP para sira halo seguransa 24 oras ba atividade mina nian iha Covalimam,” Esplika nia.

Nia dehan, Atividade perfurasaun mina iha rai maran ne'e pela primeiru ves Timor-Leste halo hafoin luta naruk. “Ita haree katak atividade ida ne'e pela primeiru ves ita hala'o iha ita-nia nasaun Timor-Leste hafoin luta naruk ida, perfurasaun mina iha rai maran pela primeiru tanba ne'e nia rekere situasaun seguransa ida ne'ebe mais de adekuadu tan ne'e ita koloka unidade Espesial ho ekipamentu adekuadu ho nune’e para bele fo garantia seguransa ba funsionariu sira, espesialista sira ho mos ema hotu-hotu ne'ebe hala'o servisu iha fatin ida ne'e,” Afirma nia. (BT)