DÍLI----Prezidenti Kamara Komersiu Industria Timor-Leste (CCI-TL sigla portuges), Oscar Lima, Hatete, Governu tenki kria kondisoens no fó prioridade ba Emprezariu Timoroan atu bele preparadu treinamentu bu’at hotu, nune’e bainhira Timor-Leste tama ona ba Organizasaun Mundial Komersiu (OMK) ne’e labele lakon, no bele infleunsia implementa iha kompetisaun ruma.

“Governu tenki kria kondisoens, tenki hare’e ba ami no tenki fó prioridade ba ami emprezariu timoroan sira atu bele preparadu treinamentu bu’at hotu atu nune’e ema preparadu bainhira ita tama ba ne’e labele lakon ida ne’e ita selu kuota, selae ita selu kuota saugati de’it, husu governante atu halo favor bele prepara setor privadu sira, kuandu ita tama ona OMK preparadu atu bele implementa kuandu iha kompetisaun ruma karik bele influenta,” Hateten Prezidenti CCI-TL, Oscar Lima ba jornalista sira iha salaun Hotel novu turizmu, Díli, Sexta (22/10).

Nia hatutan, Bu’at ne’e tempu sei naruk bele lori tan fulan sanulu ka tinan rua atu bele halo, la’os rapidu, tenki husu nafatin Governu atu kria kondisoens ba emprezariu sira bele hetan ninia susuesu foin tama iha Organizasaun Mundial Komersiu.

Nia dehan, kondisaun barak hanesan ida mak foin dadaun Finansiamentu kona ba kreditu importante ne’e atu ema halo industria ne’e jurus ka kreditu ki’ik liu tan ate to’o agora, segundu lei teras no propriedade iha tiha sertifikadu atu bele fó forsa ba lei ida ne’e seidauk iha, bu’at sira ne’e hotu tenki prepara.

“Dezafius mak ita-nia emprezariu barak seidauk iha kapasidade atu ba kompete ho ema seluk, ami sira ne’e tau sanulu hamutuk mós ema emprezariu ida de’it mai ami bele la augenta agora ida ne’e tenki kria kondisoens, la’os husu osan ba governu atu fó osan modal mai ami atu halo servisu, Fó kondisoens atu ami bele lao di’ak, fó kondisoens ona ne’e ami bele lao ona la presija governu nia osan, tanba osan ami nian oitoan ami ida-idak iha,” Salienta nia.

Oscar Lima haktuir, hakarak ka lakohi emprezariu timoro’an sempre prepara no husu Governu labele haluha dever Governu nian ba Setor Provadu Nasionál, tanba Setor Privadu Nasionál mak selu taxa dezempregu, tanbe ne’e husu direitus ne’ebé mak setor privadu iha atu Governu tenki hare’e.

Nia dehan, Hakarak ka lakohi ami preparadu ami Fó husu Governu labele haluha de’it dever Governu nian ba nia setor Privadu Nasionál, tanba Setor Privadu Nasionál mak selu taxa dezempregu bu’at hotu-hotu bu’at sira ne’e ami mak kria hotu la’os Governu de’it, tanba ida ne’e mak ami husu direitus ne’ebé ami iha ne’ebé mak Governu tenki hare’e ba ami.

“Lori Timor-Leste ba OMK ne’e impaktu la bo’ot, di’ak ba ita ne’e mós iha, ita koalia los ita-nia imajen ba mundu tomak hatene katak, ita mós bele lori emprezariu husi liu mai timor-leste, tanba ida ne’e ita presija impaktu di’ak, maibé tenki kria kondisoens atu emprezariu sira labele lakon nia kampu traballu no labele lakon nia konkordansia,” Afirma nia. (BT)