DÍLI----Direktor Nasionál Empregu Extrior (DNEE) Sekretariu Estadu Formasaun Profesional no Empregu (SEFOPE) Filomeno Soares, Hatete, Ohin Timor-Leste marka tan istoria ida ba Traballador Timoro’an ne’ebé aranka ona ba servisu iha Korea do Sul, tanba nasaun ne’e komesa simu ona traballador timoroan no ohin traballador Timoroan aranka ho aviaun Citilink iha Nain-60 kompostu husi traballador re-entri.

“Ohin marka tan istoria ida ba traballador timoroan ba servisu iha korea do sul, tanba korea komesa simu ona traballador timoroan ita komesa prepara ona traballador ne’ebé mak atu aranka ba korea do sul iha loron ohin, traballador atu ba ne’e total hamutuk nain-60 kompostu husi traballador re-entri,” hatete Direktor Nasionál Empregu Extrior (DNEE) Filomeno Soares ba jornalista sira iha Aeroportu Internasionál Nikolau Lobatu komoro Dili, Kinta (20/10).

Nia hatutan, Traballador tuan ne’ebé mak atu servisu tiha iha korea agora fila tiha ona mai, agora dadaun sira hetan fali tan oportunidade hamutuk nain-19, traballador ne’ebé mak foun ba iha area fabrik ne’e hamutuk nain-16 ne’e mak atu arank agora nomós iha area peskas ne’e iha nain-25 mak atu aranka.

Nia dehan, Antes ba Korea do Sul rekezitus ne’ebé mak Governu Korea fó mai antes Traballador partilla husi Nasaun destinadu ba fali Nasaun seluk agora dadaun ita hotu hatene katak, traballador sira halo izolamentu ba loron ida no kalan ida iha Hotel, Hotel ne’ebé mak agora dadaun iha Dili laran no agora dadaun komesa prepara ona atu bele haka’at mai iha ne’e.

“Sira ba to’o iha Korea do Sul sira sei hetan tan karantina durante loron-14 depois sira sai hodi hala’o servisu, agora dadaun ho ida ne’e mak ita preparasaun mai di’ak liu tan atu nune’e labele hetan failansu akontese wainhira sira iha viajen nia laran tanba ita hotu hatene katak, Investimentu ne’ebé mak Governu halo iha investimentu ne’ebé mak tuir formasaun iha Korea Do Sul ba labarik traballador sira, maibé investimentu ne’ebé mak hodi selu ba sira nain rasik prepara hodi ba korea sira nain mak selu, hanesan horikalan iha Izolamentu kalan ida iha hotel ne’e sira nain rasim mak selu $50 dolar kada ema,” Afirma nia.

Depois ba iha Korea nain-60 ne’e ida-idak lori osan kest hamutuk $1.500 dolar atu selu kuarentena iha hotel ida ne’e mak sai difikuldade bo’ot ida ba traballador sira atu rai hamutuk osa atu bele selu kuarentena ba sira nia a’an rasik.

Nia relata, Ida ne’e kriteria husi Governu Korea ne’ebe mak relata mai ita atu bele halo tuir, tanba ita hotu hatene katak agora dadau iha Pandemia Covid-19 ne’e ema ida-idak nia protokolu Nasaun nian, ne’ebé ita tenki tuir, tanaba ida ne’e ema nia kriteria ita tuir atu nune’e ema mós iha interese atu bele simu traballador sira. “Sekarik ita lakohi simu ema nia kriteria, entaun iha obstakulu bo’ot ida sira labele simu ita nia traballador sira ba iha ne’ebá, sira ne’ebé kontratu ne’e normalmente ba kora ne’e tinan tolu minimu no maximu tinan Haat fulan walu,” Relata nia.

Nia informa, Traballador ne’e temporariu ne’e mane hotu de’it no feto la iha, tanba area servisu ne’ebé mak agora dadaun Korea fó ne’e tenki presija mane, tanba servisu todan iha area tasi laran presija enerjia ne’ebé mak forti atu hasoru laloran no bu’at hotu. (BT)