DILI----Prezidenti Konsellu Administrasaun Eletrisidade De Timor-Leste Empreza Publika (EDTL,E.P), Paulo Silva, Hatete, Ohin EDTL-E.P relata preogresu servisu programa eletrifikasaun nasional ba Primeiru Ministru (PM) Taur Matan Ruak ne'ebe mak durante ne'e EDTL, E.P hala'o.

“Primeiru Ministru (PM) bolu Prezidenti EDTL mai atu relata, ba progresu servisu husi EDTL hala'o durante ne'e, liga ho servisu eletrisidade ninian, no simu orientasaun balun hodi bele atensaun masimu ba prestasaun servisu sira mai oin,” Hateten Prezidenti Konsellu Administrasaun Eletrisidade De Timor-Leste Empreza Publika (EDTL, E.P), Paulo Silva, ba Jornalista sira iha Palasiu Governu, Kinta (21/10).

Nia haktuir, Servisu sira ne'ebe mak ohin relata ba Primeiru Ministru (PM) mak programa eletrifilasaun nasional ne'ebe mak ita hala'o, no agora dau-daun publiku akompana ita lansa ona konkursu publiku ida. Primeira faze ita lansa ona 34 pakote, no oras ne'e dau-daun balun hahu mobilizasaun material balun iha terenu, nune'e bele hahu konstrusaun lina eletrisidade ba komunidade sira ne'ebe mak seida'uk asesu eletrisidade. Entretantu, iha balun faze avaliasaun, nune'e ita bele konklui halo eletrisidade ba komunidade sira ne'ebe mak seida'uk asesu eletrisidade.

Nia relata, ba faze segundu ita iha-44 pakote, ne'ebe mak preparadu ona, iha tempu besik ita sei lansa tan tenderizasaun, nune'e tinan ida ne'e ita nia esforsu hala'o hotu ona tenderizasaun, tinan oin kompania sira halo de'it ona konstrusaun. “EDTL espera iha fulan Agostu tinan oin, konstrusaun ita nia kompana bele hala'o no ita nia komunidade sira bele asesu lina eletrisidade,” Esperansa nia.

Alende ne'e, Ohin Konsellu Administrasaun EDTL-E.P informa programa seluk ba Primeiru Ministru (PM) Taur Matan Ruak, kona-ba iluminasaun sidade kapital ba Munisipiu sira, atu monta lampu iha dalan ninin. “Liga mos programa seluk, ba programa investimentu, no fundu imprestimu sira, ne'ebe mak iha bu'at tolu, ne'ebe mak relata ba Primeiru Ministru, ida mak konversaun DJL ba Gas, ba ita nia Sentral eletrisidade, iha mos estudu viabilidade kona-ba Solar Tenaga Surya TC.

Nune’e ohin ita mos relata kona-ba planu dijitalizasaun ba ita nia lina distribuisaun iha Timor-Leste, fundu imprestimu, ne'ebe mak ita imprestimu hamutuk Milioens $35 husi ADB,” Hakotu nia. (BT)