DÍLI----Parlamentu Nasionál (PN) liuhusi Bankada KHUNTO-Deputadu, António Verdiál, hatete, Hanesan reprezentante povu iha uma fukum Parlamentu Nasional halo fiskalizasaun ba populasaun sira iha Postu Administrativu Turiskai, Munisipiu Manufahi observa no populasaun sira hato’o prekupaoens lubun boot ida katak daudaun ne’e sei halerik ba Bee-mos, lina Elektrisidade, Estrada, inklui Kondisaun eskola ladun favoravel no balun agora ladiak ona.

“Banhira ami deside ba iha baze iha Turiskai iha suku hitu populasaun sira nia halerik mak Bee moos, estrada, elektrisidade, kondisaun eskola,” Hateten Deputadu António Verdiál liuhsi intervensaun iha sala plenaria uma fukun PN, Tersa (19/10)

Nia hatutan, Tuir Komunidade sira hatete ba deputadu sira katak maske ukun-an tinan 19 ona maibé komunidade husi Turiskai sente abandona husi Governu tanba Preokupasaun barak mak komunidade sira sei infrenta. “Iha biban ami ko’alia ba malu desde ukun-an ami seidauk hare’e menbru Governu sira nia presenza iha fatin ida ne’e, hanesan deputadu hakat mai iha fatin ne’e bele hare’e ba eskola halo tiha ona, Listrik no ekipamentu elektrisidade monta tiha ona maibé arame riin laiha neim fiu laiha,” Esplika nia.

Alende ne’e, Bankada PUDD-Deputada, Domingas Dos Santos, Hatutan, Rai Turiskai ne’e fatin primeira Proklmadór ba independensia maibe to’o agora governu sira atu hadia sai abandonadu. “Turaskai hanesan fatin ba Primeiru Proklamador ba independensia maibé sira sente abandonadu, Estrada, elektrisidade, kuaze ke laiha atensaun Governu ba iha fatin ida ne’ebá,” Informa Deputada, Domingas Dos Santos. (BT)