KOVALIMA-----Reprezenta Administradór Postu Administrativu Maucatar, António Marçal, Hatete, Munisipiu Covalima, Postu Administrativu Maucatar, hela deit putsentu 15 atu kompleta ona vasinasaun, tanba maioria barak liu mak vasina ona.

“Ha’u atu dehan deit kona ba dadus jeralmente Postu Administrativu Maucatar oras ne'e daudaun hela de’it pursentu 15 maka seidauk vasina atu halo pursentu 100 kompleta vasinasaun,” Hateten, António Marçal hafoin akompaña Vise Ministru Edukasaun Juventude no Desporto (V-MEJD), António Guterres realiza kampañia Vasinasaun, iha Aldeia Lolowa, Suku Belekasak, Postu Maucatar foin lalais ne'e.

Nia hatutan, Postu Administrativu Maucatar kompostu hosi Suku Matai, Ogues, Holpilat no belekasak ho número Vasinasaun menus maka Suku holpilat no belekasak, nune’e V-MEJD husu ba komunidade no funsionário no joven sira atu hakat ba sentru saúde simu vasina lalika tauk, tanba vasina maka bele halo prevensaun covid-19 haforsa imunidade.

Enkuantu, Komunidade, Castro Leto mos enkoraja komunidade sira vasina, tanba vasina bele kura mos moras sira Seluk. “Ha,u hakarak konta ha’u nia esperensia antes ne’e ha’u moras tensaun konsulta to’o ona óspital nasionál Guidu Valadares lá konsege kura ha’u fila mai iha de’it uma, ha’u nia oan sira haruka ha’u lakoi vasina. maibe ha’u rasik deside vasina ikus mai ha’u nia moras tensaun rekopera,” Haktuir Castro Leto.

Entretantu, Responsavel kampañia vasinasaun Covalima, Alípio Gusmão Lopes klarifika Postu Administrativu Maucatar komunidade falta de’it 15% maka seidauk vasina.

“Atu hatete deit, Kobertura vasinasaun Covalima okupa primeiro lugar tanba konstribuisaun hosi ita bo’ot sira nian, sei lahetan konstrubuisaun hodi ita bo’ot sira, maka ita-nia dezenvolvimentu sei la’o hakdasak no lála’o maibé Covalima kontribui ona planu hosi governu nian, molok ne’e Covalima lha número segundu no terreiro maibé ita agora Kobertura vasinasaun ita okupa primeriu lugar tanba kobertura vasinasaun munisípio Covalima iha nivel nasionál Covalima okupa primeiru lugar ho ba doze dahuluk 80.4% ba doze daruak okupa segunda lugar 51.8%,” Esplika nia.

Alende ikus, Vise Ministru MEJD António Guterres, dehan nia prezensa la’os atu obrigada komunidade sira atu vasina maibé atu fo hanoin ba komunidade hodi disimina Informasaun kona ba importansia hosi vasina. (BT)