MATAI----Organizasau Raes Hadomi Timor Oan (RHTO) no Kadalak Sulimutu Institutu (KSI) fasilita formasaun ba Komunidade Matai, Postu Administrativu Maucatar, Munisipiu Covalima kona ba inkluzaun difisiensia no redusaun risku dezastre nian.

Pontu Fokal RHTO Munisipiu Covalima, Onorio Gusmão, Hatete, Objetivu hosi formasaun ida ne'e atu komunidade sira bele hatene diak liu tan oinsa atu uza termolojia bolu ba ema ho difisiensia sira ho dignu.

“Hau hakarak atu dehan deit objetivu ba formasaun loron ida ohin ami la'o ho ekipa hosi KSI ho RHTO rasik, materia RHTO lori mak hanesan inkluzau difisiensia no redusaun risku dezastre nian, ida ne'e nia objetivu atu komunidade sira bele hatene loloos oinsa atu uza termolojia ne'ebe dignu hodi bolu ema ho difisiensia sira ne'e iha inkluzaun difisiensia ne'e, pois iha redusaun risku dezastre ita hakarak hato'o mos informasaun ba ita-nia komunidade tanba dezastre mai la hatene ema difisiensia ka la difisiensia nia mai ita bele dehan katak sapu rata,” Hateten Pontu Fokal RHTO Munisipiu Covalima, Onorio Gusmão, ba jornalista sira iha sede Suku Matai, Sexta (15/10).

Nia dehan, Iha biban ida ne'e RHTO hakarak fo materia ida kona ba redusaun risku dezastre tanba kada tinan sempre qkontese dezastre tanba objetivu hosi formasaun ida ne'e mak atu konsiensia no konesimentu ne'ebe komunidade iha ona kona ba inkluza difisiensia no redusaun risku dezastre. Nia dehan, Formasaun ne'e laos haree liu ba ema difisiensia deit maibe partisipa hosi konsellu suku ho komunidade sira hotu.

Enkuantu, Fasilitador KSI, Pedro Brites Fernades, haktuir, KSi hanesan ONG ida hola parte iha dezenvolvimentu rural nian iha papel ida hodi ajuda fasilita informasaun ba sosiedade atu nune'e sira bele kompriende diak liu tan hanesan asuntu sira liga ba iha jeneru nian.

“KSI iha papel ida hodi ajuda fasilita informasaun ba ita niansosiedade atu nune'e sira bele kompriende diak liu tan ba asuntu sira hanesan jeneru nian tanba kestaun ida jeneru ne'e koalia kona ba feto deit ne'ebe sira mos husu ba KSI atu fasilita informasaun atu nune'e sira bele kompriende klean liu tan asuntu jeneru liliu liganho asuntu fahe knar ka papel nivel uma kain nian,” Haktuir Fasilitador KSI, Pedro Brites Fernades.

Iha Sorin seluk, Xefe Suku Matai, João Gusmão, Husu ba komunidade sira ne'ebe partisipa iha formasaun ne'e atu rona didiak hosi fasilitador atu oinsa bele kompriende saida mak kona ba inkluzaun difisiensia no redusaun risku dezastre nian.

“Objetivu formasaun ida ohin ne'e liuliu kona ba jeneru tan ne'e husu liu ba feto sira atu rona didiak informasaun sira ne'e tanba iha formasaun ida ne'e RHTO mos sei koalia liu kona ba difisiente tanba durante ne'e dala ruma ladun tau atensaun ba maluk sira difisiente, tanba liu hosi formasaun sira hanesan atu bele haklean liu tan nudar ema umanu atu bele respeito mos maluk sira hosi difiaiente,” Informa nia. (BT)