DÍLI----Presidenti Eletrisidade De Timor-Leste (EDTL,EP), Paulo da Silva, Informa, durante Serka Sanitaria (SS) no Konfinamentu Obrigatoriu (KO) EDTL nia ema labele tun iha terenu hodi halo inspesaun, maibé agora situsaun hahú rekopera Covid-19, EDTL,EP sei halo operasaun no inspensaun ba klinte hotu-hotu obrigatoriamente tenki monta kontadores.

“Durante ne’e ita tolera uituan tanba razaun primeiru iha situsaun covid-19 entaun ita la halo inspensaun SS, KO buat sira ne’e halo maibé EDTL nia ema labele tun ba iha terenu atu halo inspensaun, maibé agora iha situsaun ne’ebé ita dehan hahu atu rekopera, EDTL,E.P sei halo operasaun fila-fali, halo inspensaun ba iha klientes hotu-hotu ba sira ne’ebé ligasaun illegal, ligasaun indireita ne’e ita sei obrigatoriamente tenki mota kontadores,” Hateten Presidenti EDTL,E.P, Paulo da Silva ba jornalista sira iha Armajen EDTL Díli, Kuarta (13/10).

Nia hatutan, Kona ba sira, laiha tan razaun atu dehan labele monta tanba durante ne’e laiha kontadores ruma entaun ita tolera maibé agora kontadores iha ona ita sei obrigatoriamente tenki monta atu ema uza ahi tenki selu tanba hanesan ita hotu hatene ita-nia sentral sira ne’e funsiona ita tau, agora se ita laiha osan oinsa sosa mina para funsiona ita-nia sentral gerador sira kopera para bele produz enerjia tanba ne’e ita tenki tau mina para bele gerador lao para fornese ahi mai ita para ita uza.

Depois halo inspensaun mak identifika ita nia kliente ruma mak instala ahi illegal ne’e krimi no iha regra pior liu tan ba sira ne’ebé komersial sira mak halo ligasaun illegal loja, hotel, buat sira ne’e mak illegal ne’e sei sansaun makaas tuir regra ne’ebé iha.

“Ita-nia asesores lina distribuisaun fasilidade infraestrutura ne’e liu tinan-10 ona ne’ebé ninia durasaun la favoravel ona ita presiza troka tanba ne’e mak fasil aat iha fati-fatin agora esforsu EDTL agora dadauk ita halo ezersisiu parabele troka maibé ita nia esperpart asesores sira ne’e iha armazen mamuk, tanba asesores ne’ebé iha ita uza hotu tiha ba iha responde dezastre naturais iha dia 4 de abril ne’ebé iha fati-fatin inklui iha munisipiu sira ita uza hotu ba restora fila fali,” Dehan nia.

Entaun agora dadauk ita halo hela prosesu tenderizasaun iha tempu besik kompañia sei hatama material sira ne’e para bele ita uza fila fali , iha parte seluk ita atraves governu nia kontratu ho kompañia-12 ne’ebé governu anterior halo ho kompañia-12 halo hela servisu manutensaun ba ita nia liñadistribuisaun iha Díli laran. (BT)