KOVALIMA----Xefe Departamentu Reprezentasaun Territoriál Floresta no Planta Indústria, Covalima, Francisco Sarmento, Hatete iha fulan Agusto no Setembru tinan ne’e, Floresta Kovalima hatam ona reseitas ba Kofer estadu ho montante dolar Amerikanu $850.00.

“Iha fulan Augosto no Setembru nia laran, Departamentu Floresta no Planta Indústria, Covalima konsege hatama ona reseitas ba estadu ho montante hamutuk $850.00,” Hateten Xefe Departamentu Reprezentasaun Territoriál Floresta no Planta Indústria, Covalima, Francisco Sarmento ba jornalista iha nia knar fatin Santa Rosa Suai foin Kinta (14/10).

Nia hatutan, Reseita hirak ne’e floresta Kovalima kobre mai hosi tipo lisensa sosial no tipu lisensa negosiu. Tipo lisensa sosial mak hanesan ajuda komunidade sira hodi fasilita konstrui uma adat no privadu, depois tipo lisensa negosiu maka hanesan komunidade sira ne’ebè maka loke negosiu hodi distribui aí ba iha Díli tenke hasai lisansa iha floresta liu-liu aíteka selu iha banku. “Ita foin fó lisensa no ami sempre akompana bainhira tula sira-nia ai kubik hira hodi halo kontajen transporta ai sira hodi bele halo sira nia negosiu ai kubik ida ba negosiante nain sira sei selu homontante dolar Amerikanu rua nulu resin lima ($ 25.00),” Relata nia.

Nia deklara, Fulan Agusto to’o setembru floresta Kovalima hatama ona reseita $850.00 reseita ba fulan agustu komunidade tula ai kubik 5 selu $125.00 iha fulan Setembru komunidade tula ai 29 metru kubiku $725.00. Iha biban ne'e nia mos husu ba komunidade hotu iha Kovalima lábele tesi ai iha area foho lolon, tenke kuidadu didiak ai, tanba ai nia abut maka tahan rai, bainhara tesi ai iha foho lolon fo impaktu tebes ba komunidade sira hela iha foho lolon bainhira rai halai.

“Ita tesi aí arbiru impaktu ba iha el nino hodi estragu ba ita-nia plantasaun haree, batar tanba bailoro naruk hanesan iha rai balun manas to’o 40 to’o 45 grau selsius. ita tenke neutraliza labele manas liu tenke naton deit manas labele liu ita nia kapasidade fo impaktu ba animal ho ita no lanina maka udan been maka'as” Afirma nia.

Nia Haktuir, Dezafiu ne’ebe sira hasoru maka laiha transporte ba korpo guarda floresta atu halo movimento hodi halo patrulamento, Iha Timor-Leste área floresta reserva nasional maka Postu Administrativu Tilomar no Nino Konisantana iha Lospalos tanba ne’e husu ba autoridade lokal no komunidade atu kuidadu ai parápa difisil atu rekopera. (BT)