KOVALIMA----Diretór Programa Nasionál ba Dezenvolvimentu Suku (PNDS), Munisipiu Kovalima, Filipe Cardoso Vieira, Hatete, Konstrusaun uma ba kbi’it la’ek, (UKL) iha Munisípio Kovalima oras ne'e daudaun foin mak atinje pursentu 18, 30 (18,30%).

“Konstrusaun UKL ba família vulnerável PNDS implementa iha suku 30, Postu Administrativu 7, Munisipiu Kovalima, ita halo separasaun kada postu oras ne’e persentajen kumulativu foin atinji 18,30%” informa Diretòr PNDS Filipe Cardoso Vieira hateten ba jornalista, iha nia kna’ar fatin PNDS Kovalima Tersa (12/10).

Nia dehan, Konstrusaun kumulativu foin atinjo 18,30%, Konstrusaun kada Postu Administrativu sira hanesan iha Postu Administrativu Fatululik konstrui UKL-6, prosesu implementasaun atinji ona 37.60%, Zumalai UKL unidade 24 kontrusaun atinji 27.3%, Suai UKL-15 foin atinji 5.69%, Tilomar UKL unidade-12 ne’ebè implementasaun atinji ona 26.68%, Maucatar unidade-12 foin atinji 7%, fohorem konstrui UKL-12 foin atinji 22.11%.

Nune’e, Husi unidade hirak ne’e, Munisipiu kovalima kompostu Postu Administrativu-7, Suku 30 ho aldeia 148 ne’e ùniku postu administrativu Fatumea seidauk hala’o implementasaun programa PNDS Konstrui UKL-9 ba Família vulnerável.

Nia hatutan, Razaun Postu administrativu Fatumea seiduak implementa programa PNDS atu konstrui UKL ba Família vulnerável, tanba funsionário PNDS atual hetan promosaun liu hosi selesaun por mèrito hala’o servisu iha administrasaun Postu Administrativu Fatumea no implementasaun serka sanitária “Tanba ne’e, Munisípio Covalima programa PNDS konstrui UKL 90 porsentajen kumulativu foin atinji 18.38%,” Esplika nia.

Nia afirma, Dezafiu ne’ebè PNDS hasoru durante konstrui UKL maka estrada, tanba ne’e sekretária Tekniku PNDS nasional hala’o ona koordenasaun ho IGE tempu badak sei fó apoiu hosi fasilita loke estrada no PNDS Munisipiu mos esfosu hosi mobiliza komunidade sira hadia estrada sira ne’ebè identifikadu hanesan grave iha aldeia Lorokida no Suku Lepo lá ne'ebe asesu ba estrada.

“Maske hasoru difikuldade estrada a’at maibé kontinua implementa UKL tanba orsamento alokadu ona no benefisiariu elizivel mos identifkadu no aprova ona nomos impmeneta programa PNDS konstrui UKL iha Munisipiu Kovalima hamutuk 90 ne'ebe ba iha suku-30, Postu administrativu-7 ho total orsamentu hamutuk $ 1.491,000.00,” Afirma nia. (BT)