KOVALIMA----Koordenador Ensino Baziku Filial Has Ain, Crispin Bere, Hatete, Estudante hamutuk na’in-40 resin ne'ebe kompleta ona tinan 12 ba leten ne'ebe sira iha Eskola Ensino Baziku Filial Has Ain, iha Munisipiu Covalima prontu atu simu vasina Pfizer.

“Total estudante iha eskola baziku filial Has Ain hamutuk 150, maibe sira iha tinan 12 iha deit ema nain 40 resin hanesan, sira prontu atu simu vasina Pfizer bainhira to'o iha fatin,” Hateten Koordenador EBF Has Ain Crispin Bere ba jornalista sira iha nia knar fatin EBF Has Ain, Kinta (14/10).

Nia dehan, Antes ne’e fo sai ona informasaun ne'e ba ona iha estudante sira katak estudante sira ne'ebe atinje ona tinan 12 to'o 17 sei simu vasina tan ne'e sira hatan katak prontu simu bainhira ekipa saude to'o iha eskola. “Ami habelar ona informasaun ba labarik sira katak lakleur tan iha imi tinan 12 ba leten ne'e sei simu vasina, ne'ebe estudante sira durante ne'e husu bebeik katak hira loos mak simu vasina,” Deklara nia.

Nia haktuir, Inan-aman sira mos prontu atu sira nia oan sira atu bele simu vasina tanba vasina mak bele aumenta imunizasaun nian hodi bele eskola prezensial lao normal, labele paradu hanesan tinan rua nia laran. (BT)