DÍLI----Presidenti Eletrisadade Timor-Lete Empreza Públika (EDTL,EP), Paulo Da Silva, hateten, EDTL Sei esforsu oinsa mak bele aselera servisu manutensaun ba liña distribuisaun eletrisidade no husu ba publiku presiza hatene liña distribuisaun ne’e manual difisil atu deteta avaria.

“Iha difikuldade boot ne’ebé kompañia sira infrenta ida sira iha kapasidade minimu tebes para aselera lalais manutensaun ba liña sira, razaun sira ohin ne’e lori ita infrenta katak situsaun ita nian mak ida ne’e, maibé EDTL Sei esforsu oinsa mak bele aselera servisu manutensaun ba liña distribuisaun ne’e no ida fali mak publiku presiza hatene mak ita-nia liña distribuisaun ne’e manual difisil atu deteta avaria ne’e iha ne’ebé, entaun hanesan Ezemplu fider ida nia mate ka avaria iha Mataduru insolatór mak nakfera iha ne’eba ita la hatene, agora ita laiha sentru ida deteta entaun ne’e problema, tanba ne’e tekniku sira tenki lao husi Kamea ba too iha fider ninia rohan atu deskobre ne’e lori tempu naruk atu deskobre,” Hateten Presidenti EDTL-E.P, Paulo Da Silva, ba jornalista sira iha Armazen EDTL Díli, Kuarta (13/10).

Nia hatutan, Problema ne’ebé sira infrenta mak durasaun hamate ahi ne’e problema boot, tanba segunda too sexta labele hamate ahi ema halo servisu, agora ita atu halo manutensaun ahi tenki mate para ema bele halo manutensaun agora pedidu sira tama mai ne’e hamate ahi iha sabadu iha oras 2 deit agora se ita hamate kleur tan ema haklalak, hakilar, tolok no balun trata ne’e problema boot, depois iha domingu difisil atu hamate ahi tanba iha parokia igreja hotu-hotu halo misa ho orariu ne’e barak los tuku-6 dader too tuku 10 iha depois tuku-3 hahú iha misa fali. Agora ita atu hamate ahi fider sira ne’e oinsa problema boot ne’ebé EDTL infrenta.

Entaun susar ba ita atu aselera manutensaunho durasaun infraestrutura ne’ebé iha tuan ona, ita-nia servisu ne’e susar teb-tebes ita atu aselera, se hotu-hotu aseita dehan katak hamate loron tomak no semana tomak ita halo ha’u fiar ita rezolve lalais, maibé problema mak ida ne’e linã ejiste ema hela enerjia ita atu halo manutensaun oinsa, se ita hamate periodu naruk ho oras naruk ema hakilar entaun ne’e difikuldade ida,” Preokupa nia.

Nia Informa, Difikuldade seluk kauza ahi mate dalaruma mos tanba por natureza tanba liña ne’e sira ne’ebé ejiste ne’e besik ai, besik nu’u buat sira ne’e hotu se udan ho anin baku kona avaria tenki akontese, entaun EDTL forma taspor iha fulan hira nia loran ne’e halo limpeza ba fider sira hotu no ita espera katak ba oin sei menus kona ba kauza husi natureza udan ho anin.

“Ita iha problema mos dalaruma ema pedidu tama mai kompañia sira monta traf espesial ruma ba sira nia loja sira nia hotel sira husu pedidu tenki hamate ahi atu nune’e sira instala entaun ita tenki hamate duni tanba ne’e sira hotu mak kontribui baa hi mate maibé laos atu publiku hatene laos EDTL mak hakarak hamate ahi, tanba EDTL hamate ahi signifika resita la tama ba EDTL entaun EDTL oho an tanba EDTL nunka hanoin atu hamate ahi, ita iha programa ba tinan ida ne’e ita hahú halo negosiasaun para halo projetu ida dijitalizasaun ba ita-nia liña distribuisaun, se kuandu implementa ona sei fasil ba ita para kontrolu lalais no intervensaun lalais para rezolve kuandu iha avaria,” Afirma nia. (BT)