DÍLI-----Ministru Presidensia Konsellu Ministru (MPKM) Fidelis Manuel Leite Magalhães, hatete, Ohin reuniaun Konsellu Ministrus Ministra Saúde (MS), apresenta lei Saúde hodi analiza kona-ba polítiku lejizlativa subjasente sira ba inisiativa revizaun Lei Sistema Saúde nian.

“Ministra Saúde (MS), Odete Maria Freitas Belo, Apresenta Lei Saúde no analiza ona aprezentasaun kona-ba polítiku lejizlativa subjasente sira ba inisiativa revizaun Lei Sistema Saúde nian,” Hateten Ministru Presidensia Konsellu Ministru (MPKM) Fidelis Manuel Leite Magalhães ba Jornalista sira iha Salaun PCM iha Palasio Governu, Kuarta (13/10).

Nia hatutan, Ohin mos Ministra Saúde halo aprezentasaun ida kona-ba rezultadu kampaña vasinasaun ne’ebé konta ho partisipasaun membru Governu sira hotu, ne'ebé hahú iha loron 30 fulan-setembru.

Nia dehan, Durante períodu ne’e, membru Governu sira ba iha munisípiu hotu hodi fahe informasaun kona-ba vasina kontra COVID-19 no sensibiliza populasaun ba nesesidade vasinasaun nian. “Dezde hahú kampaña ho partisipasaun membru Governu sira nian, administra ona totál vasina 78.165, ne'ebé hanesan aumentu ida 17% husi persentajen vasinasaun iha nivel nasionál,” Dehan Porta-Vos do Governu.

Ministru hatutan, Durante semana husi loron 30 fulan-setembru to’o loron 10 fulan-outubru, Bobonaru nudár munisípiu ho kreximentu boot liu, ho aumentu 30. 3% ho totál hamutuk ema nain 7487 ne’ebé simu ona vasina iha periodu ida-ne’e, liu tan 5629 duké iha semana anteriór.

Portantu, Tuir fali munisípiu Baukau ho kreximentu 12.2%, ne’ebé vasina tan ema hamutuk Na’in-5286 duké iha semana anteriór. Munisípiu Ermera iha ona 97 % kompara ho semana anteriór husi inísiu Kampaña vasinasaun ho membru Governu sira, ne’ebé vasina tan ema hamutuk na’in-3885 duké iha períodu anteriór. “Preve katak vasina dahuluk Pfizer nian, ne’ebé destina hodi permite vasinasaun ba joven sira idade tinan 12 to’o 17, to’o iha Timor-Leste iha loron 16 fulan-outubru oin mai, husi Mekanizmu COVAX,” Afirma nia. (BT)