DÍLI----Ministru Kordenadór Asuntu Ekonómiku (MKAE), Joaquim Amaral, hatete, Ohin Ministeriu Kordenador Assunto Ekonomiku (MAKE) hamutuk ho Sekretariu Estadu Formasun Profesional no Empregu (SEFOPE) fó pose ba Membru Kosellu Nasionál do Traballu nain-7 no Arbitrajen nain-3 ne’ebé sei hamutuk ho Governu buka dalan hodi oinsa hadia ambiente trabalu ba ekonómia Timor Leste.

“Ohin oportunidade furak ida hamutuk ho SEFOPE ita fo pose ba iha Konselu Nasionál do trabalu no konselu arbitrajen ne’ebe sei hamutuk ho governu buka dalan atu hadia ambiente trabalu ba iha ita-nia ekonomia iha timor, tanba hanesan ita hatene ita liu tiha dalan difisil tinan ida tinan rua ne’e ita-nia ekonomia hetan difikuldade nune’e mos ita-nia estrutura konseleiru anterior sira-nia madatu mos sede tiha tinan ida, tanba ne’e mak ita presiza atu fo enerjia foun ba iha ambiente ida atu bele tulun governu bele hadia ambiente trabalu atu nune’e bele permite ba iha investimentu sira atu ita-nia ekonómia rekopera ambiente trabalu mos ita hadia,” Hatete Joaquim Amaral, ba jornalista sira iha salaun SEFOPE kaikoli Dili, Segunda (11/10).

Nia hatutan, Hanesan ita tama iha ajenda ohin ita sei too iha ninia solusaun sira ne’ebé inklui ba iha revizaun ba salariu sira, tanba ita iha lejislasaun ne’e rasik ita tenki hare no sei too iha kestaun asuntu sira ne’ebé ohin ita hotu foti kona ba iha salariu.

“Ha’u hanoin mandatu ida ne’e kompromete iha data para atu rezolve hanesan ita hotu hatene prosesu ne’e laos mai kedas husi anterior, maibé labele haluan katak ita sempre buka meius para atu bele rezolve ida ne’e mak hanoin katak, ami ho ekipa foun agora sei tau atensaun ba ida ne’e atu bele buka dalan ba hadia ambiente laboral no nia hanesan komponente ida ne’ebé engolba sira hotu hadia ambiente laboral inklui sira nia seguransa, tanba ne’e mak lei laboral,” Dehan nia.

Nia dehan, Hanesan ita hotu hatene ohin relatoriu badak ne’ebé apresenta iha pendente konflitu laborais lubuk ida nune’e presiza atu fo atensaun no presiza hetan nia solusaun, tanba ne’e ha’u fiar katak ho ekipa foun ho sira nia enerjia ho nia dinamika foun ne’ebé iha sira sei halo estratejia ne’ebé diak atu bele fo sokusaun ne’ebé propriadu ba iha asuntu sira ne’ebé iha.

“Ami apoiu konkretu hanesan gubernur lejislasaun ne’ebé ita presiza halo atu nune’e fo biban ba iha asaun sira ne’ebé atu halo iha ninia enkudramentu legal nune’e iha konfiansa ba iha autor ekonómia sira, empregador no trabalador atu hotu-hotu hatene nia direitu nomos nia obrigasaun iha ambiente trabalu,” Tenik nia.

Iha sorin seluk, Presidenti Konselu Nasioál do Traballu, Atual Sekretariu Estadu Formasaun Profesionál no Empregu (SEFOPE) Alarico do Rosário, Hatutan, Hanesan Presidenti Konselu Nasionál Do Trabalu katak, iha lei kada mandatu governu ne’ebé deit mak sai hanesan governate SEFOPE otomatika nia sei sai hanesan Presidenti Konselu Nasionál do Traballu.

“Ligasaun ho posse no kna’ar ne’ebe mak ha’u ohin simu hanesan Presidenti Konselu Nasional do Trabalu katak iha lei kada mandatu governu ida ne’ebe deit mak sai hanesan governante iha SEFOPE otomatikamente nia sei sai hanesan presidenti konselu nasional do trabalun tanba durante ne’e foin mak hetan pose ohin iha loro 11/10 tinan 2021 ami simu kna’ar hanesan Presidenti Konselu Nasional do Trabalu,” Relata Presidenti Konselu Nasioál do Trabalu, Atual Sekretariu Estadu Formasaun Profesionál no Empregu (SEFOPE) Alarico do Rosário.

Nia Afirma, Agora koalia kona ba progresu saida mak atu halo kontinuasaun servisu ba futuru liliu halai ba ligasaun salariu minimu ne’ebé mak durante ne’e iha atu hatete de’it katak, buat ida progresu salariu minimu ne’e buat ida progresu han tempu la halimar tanba durante iha tempu naruk konselu nasional do trabalu hamutuk ho sekretariu arbitrajen halo estudu oioin ba rai vizinu sira ne’e hodi hare liu ba oinsa salariu minimu ita tenki sentimentu ida ho ita-nia vizinu sira oinsa salariu minimu estandar nasionál hira.

Entaun ho razaun ida ne’e Konselu Nasionál do Trabalu hamutuk ho sekretariadu halo peskiza iha teritoriu timor laran tomak hodi halo estudu ba ida-idak katak, salariu minimu ne’e atu halai ba hira tanba ne’e mak liu husi dialogu sosial tripartida nomos teste laboratoriu no dialogu ho sosiedade hotu atu hare ba revizaun salariu minimu.

Maibe progresu ida salariu minimu ita bele halo debate ba salariu minimu tuir lei katak, tinan rua tenki halo revizaun ba salariu minimu, maibé buat hotu desizaun ikus sei iha konselu ministru no konselu ministru mak sei foti desizaun ida salariu minimu bazeia ba proposta ne’ebé mak hatoo nia mantein ka nia sae ka nia tun ne’e iha konselu ministru mak bele hatoo ida ne’e. (BT)