DÍLI----Vise Primeira Ministra (V-PM) no Ministra Solidaridade Sosial no Inkluzaun (MSSI) Armanda Berta Dos Santos, Hatete, Ohin kontinua halo Sosializasaun ba iha Aldeia Halidolar, Suku Hera, Postu Administrativu Metinaro, MunisipiuDili atu oinsa bele rona informasaun direita husi Pesoal Saúde nomós sensiabiliza informasaun ne’ebé di’ak ba komunidade hodi hotu-hotu simu vasina contra Covid-19.

“Importante iha sosializasaun ba Suku hera, Aldeia Halidoalar ida ne’e atu bele rona direita husi pesoal saúde nomós koloka ona membru governu ba hotu iha kada munisipiu atu bele sensiabiliza informasaun ne’ebé mak di’ak ita-nia komunidade sira liliu ba inan-aman sira ne’ebé mak menus informasaun husi vasina ne’e,” Hateten V-PM Armanda Berta Dos Santos ba jornalista sira iha Suku Hera, aldeia Halidolar Dili, Sexta (08/10).

Nia hatutan, Moras Pandemia Covid-19 ne’ebé mak infrenta iha Mundu tomak inklui Timor-Leste ne’ebé durante ne’e Governu esforsu hamutuk ho ita nia parseiru sira ho Nasaun Vizinu atu nune’e oinsa vasina bele mai iha Timor-Leste hodi bele fó ba komunidade sira. “Esforsu tomak Governu halo hodi bele hare’e ba kondisaun no mós Saúde Publiku nian, liu-liu ba ita nia inan-aman, joven, ba komunidade sira atu nune’e hodi bele evita Pandemia iha rai ida ne’e, vasinasaun ne’e importante tebes no agradese ba ba veteranus sira ne’ebé mak esforsu atu bele simu vasina ne’e,” dehan nia.

Nia dehan, Prosesu sira ne’e hotu ita lao lubuk ida to’o Governu foti desijaun katak, vasina ne’e mak di’ak liu ba Populasaun tomak inklui Membru Governu sira hotu oinsa mak atu prevene moras ida ne’e husi ita nia a’an, entaun dalan uniku mak ita tenki simu vasina.

Nia haktuir, Vasina mak ita bele halo servisu normal fali, ita bele lao livre, sekarik joven sira ba atu ba rai liur mós presija vasina, tanba ema nia nasaun sekarik ita nia ema atu ba iha ne’ebá mak la simu vasina, entaun labele tama ema nia nasaun, tanba vasina ida ne’e mundu tomak halo hotu vasina nia populasaun sira.

“Timor-Leste mós tenki tau preoridade ba vasina, maibé la’os ba ita bo’ot de’it, Governu mós prepara vasina ba labarik 12-17 ita ne’e mak ita hala’o ona oinsa atu hare’e fali menus husi tinan 12 tun fali mai kraik, esforsu sira ne’e ita halo husi pesoal saúde tau hela konsiderasaun no mós preoridade sira ne’e ba ita nia komunidade sira,” haktuir nia.

Nia relata, Prosesu vasina wainhira to’o mai komunidade sira prosesu ne’e mak lao naruk tebes, la’os governu mesak deside, maibé ita hamutuk ho saúde mundial atu hare’e vasina di’ak duni ba komunidade ba Timor-Leste kalae.

Nia subliña, Husi Governu ne’e la iha inisiativa atu bele hanoin a’at ba populasaun, komunidade iha mak governu iha, tanba ne’e mak saúde publiku preokupa tebes oinsa mak atu bele hetan vasina ne’e ba iha komunidade sira liliu inan-aman sira ne’ebé ho idade avansadu ne’e imoprtante tebes. (BT)