KOVALIMA----Xefe Brigada Manutensaun Traktor Munisipiu Kovalima, Tomas Amaral, Hatete, Ohin Departamentu Agrikultura Munisipiu Kovalima hala’o enkontru ida ho administrador Postu sira, atu oinsa servisu hamutuk hodi identifika no haree lisuk ba inan-aman sira halo toos ne'ebe presiza tulun trator la presiza mai direita Departamentu Agrikultura maibe bele liga ba iha xefe aldeia hodi prense formulariu hatam bele foti uza.

“Hau hakarak hato'o deit serbisu ne'ebe durante ne'e ami hala'o, ami-nia superior departamentu hamutuk ho ami halo enkontru hamutuk ho autoridade lokal, administrador postu, xefe suku, xefe aldeia sira halo akordu hamutuk identifika ka haree lisuk ita nia inan-aman sira halo toos, sira ne'ebe presiza liu trator hamosu lista ami prepara lista duni, lista formatu ne'e iha rua ida gratuita nian ida iha sentru manutensaun iha mina toos nain sira iha direitu atu uza mina ne'e,” Hateten Xefe Brigada Manutensaun Traktor Munisipiu Kovalima, Tomas Amaral ba Business Timor iha knar fatin Sentru Manutensaun Trator Sanfuk, Kinta (08/10).

Nia hatutan, Apoiu trator ne’ebe mak husi Departamentu Suai, fo ba to’os na’in sira, kuandu mina iha sei tulun ho mina maibe kuandu stock mina laiha toos nain sira presiza urjente atu fila rai entaun sira nain rasik tenke enxe maibe ida ne'e la obriga.

Nia dehan, Maibe dadaun stock mina iha departamentu Suai, hela tanke ida deit ho volume litru 5000 kobre ba postu Tilomar, Zumalai' Suai, ne'ebe kuandu mina ne'e mak uza la to'o fulan hotu husu tan mai sei kleur, mak toos nain sira ejiji atu fila sira nia rai nain tenke sosa rasik mina maibe tenke priense formatu ida seluk ne'ebe nain hakarak sosa mina ne'e.

“Karik inan-aman balu hakarak ejiji ami atu fila sira nia toos, nain sosa rasik mina maibe tenke prense formatu ida seluk ne'ebe sira nain rasik hakarak sosa mina lori tau ba iha trator, depois ami simu nota hosi toos nain sira hodi priense deklarasaun hakarak rasik nain sosa mina, ami hosi parte ida la obriga toos nain sira atu sosa mina,” Relata nia.

Nia Afirma, Agora daudaun kada suku liu husi xefe aldeia sira hatama ona fila rai nian mai ona iha sentru matensaun agrikultura Sanfuk hodi rekoila, xefe aldeia balu sei dauk hatama maibe hein nafatin hodi atende toos nain sira. “Ami atende tuir lista ne'ebe tama kuandu barak liu karik ita hein malu tanba ita nia trator limitadu balu diak ita bele atende, balu ladiak ita labele atende maibe hein pedidu mai mak ita foin bele atende,” Esplika nia. (BT)