DILI----Presidente Autoridade Munisipiu Dili (PAMD) Guilhermina Filomena Saldanha Ribeiro, Hatete, Aktividade loron selebrasaun DILI DAY ne'ebe sei akontese iha loron 10 fulan ne'e, Autoridade Munisipiu Díli (AMD), sei la konvida ema barak hodi partisipa tanba dadaun sei iha hela Estadu Emerjensia (EE) nune'e bele evita no minimiza moras kovid-19.

“Selebrasaun loron DILI DAY ne'ebe mak sei monu iha loron 10 fulan ne'e, Prezidenti Autoridade Munisipiu Díli, sei la konvida ema barak hodi partisipa ba selebrasaun loron DILI DAY, tanba dau-daun ne'e Timor-Leste sei iha Estadu Emerjensia (EE),” Dehan Prezidenti Autoridade Munisipiu Díli (PAMD) Guilhermina Filomena Saldanha Ribeiro hafoin remata enkontru ho Primeiru Ministru (PM) Taur Matan Ruak ba Jornalista sira iha residensia PM Farol, Sexta (08/10).

PAMD haktuir, sei lahalo aktividade boot, ba aktvidade ne'ebe mak loron DILI DAY nian, bainhira ita halo altividade boot, partisipasaun mos sei barak, nune'e preokupa mos ba publiku hotu, tanba dalaruma partisipasaun balun sei la tuir regra sira ne'ebe mak Ministeriu Saude ho Organizasaun Mundial Saude iha, ida ne'e ami evita.

Nia dehan, Agora saida mak ami halo komesa ohin, Prezidenti Autoridade Munisipiu Dili orienta de'it Postu Administrativu ida hodi organiza ninia komunidade hodi hala'o limpeza. Nia relata, Kona-ba Orsamentu Jeral Estadu (OJE) ba Munisipiu Dili ba tinan 2022 nian, Prezidenti Autoridade Dili relata, Munisipiu hetan Orsamentu kuaze Milioens $.7.684, enkuantu ba tinan ida ne'e Dili hetan Orsamentu hamutuk kuaze Milioens $.8.667.

“Tinan oin mai nian, tuir programa ne'ebe mak iha, ida mak Estrada no Ponte, Dezenvolvimentu rural, Seguransa Nasional asesu ba justisa, Boa Governasaun, Agrikultura, Be ho Saneamentu, Saude, Edukasaun Formasaun, Igualdade Jeneru no Turismu, ida ne'e mak programa prioridade ne'ebe mak Prezidenti Autoridade Munisipiu Dili transfer ona ba tinan oin nian,” Informa nia. (BT)