DÍLI----Relasiona ho Pamdemia Covid-19 ne’ebé mak Nasaun Infrenta, Governu deside Komfinamento Obrigatóriu atividade hotu-hotu taka, Ekipa Jestaun Sala Leitura Xanana Gusmão (SLXG) deside loke asesu biblioteka ba públiku iha semana oin.

Tuir Library and Public Relation Coordinator at Xanana Gusmão Reading Room (XGRR) Maria Amaral Guterres, Hatete, Sala Leitura Xanana Gusmão(SLXG) sei loke provijoriu ba publiku no ba estudante sira mak lee livru iha biblioteka, maibé atividade seluk sei suspende.

“Provizoriamente Sala Leitura deside atu loke deit asesu ba biblioteka (lee livru no asesu internet), muzeu, biblioteka, uma mahon no audiovizual ba aktividade adisionál sira seluk hanesan sesaun diskusaun interativu, semináriu, kursu no treinamentu sira sei suspende provizoriamente,” Hateten Library and Public Relation Coordinator at Xanana Gusmão Reading Room (XGRR) Maria Amaral Guterres ba BT iha nia kna’ar fatin fatin XGRR, Lecidere, Sexta (08/10)

NIa hatuan, Iha ámbitu reativa funsionamentu Biblioteka ne’e ekipa jestaun Sala Leitura daudaun ne’e esforsu masima halo inspensaun ba funsionamentu komputador sira nomos aruma koleksaun livru sira iha ida-idak nian fatin atu hafasil klinte sira asesu wainhira hahu loke ba públiku. Nia informa, Dadaun ne’e Sala Leitura iha funsionariu nain-8 no voluntariu nain-2 hodi halo servisu atendementu públiku sira. Sala Leitura sei loke fila fali iha loron Segunda, 11 Outubru 2021, hahu husi tuku 09:00 dader to’o tuku 17:00 lokraik.

“Ami hanoin ona atu reativa fila fali ami nia serbisu atendementu públiku hanesan bain-bain maibe ami mós presija atu estabelese regras balun iha relasaun ho medida prevensaun covid-19 ne’ebé mak rekomenda husi Organizasaun Mundiál Saúde (OMS) no Ministériu Saúde (MS) hanesan fase liman bei-beik, uza maskra no halo distansiamentu fiziku. Ne’e katak bainhira kliente sira mai vizita ami nia fatin tenke kumpri regras sira ne’ebé estabelesido ona. Alien de regaras sira ne’e ami mos instala ona sistema ijiene (Fase liman fatin) iha ami nia areadores sira nune’e bele fasilita diak liu tan ita nia kliente sira fase liman bei-beik bainhira asesu internet, lee livru, halo diskusaun interativu, vizita muzeu no halo atividade sira seluk,” Relata nia.

Antes ne’e Sala Leitura liu husi enkontru ekipa jestaun deside taka provizoriu ba asesu públiku durante fulan neen (6) hahu husi fulan Marsu to’o agora. Iha periodu konfinamentu no serka sanitária funsionariu no voluntariu sira iha Sala Leitura aplika serbisu husi uma nomos halo serbisu rotasaun tuir orariu ne’ebé ekipa deside hamutuk. (BT)