DÍLI----Direktora Saúde Munisipiu Dili Agustinha Segurada, Hatete, Ministeriu Saúde Ohin loron preoukupa ho atinjimentu vasinasaun iha Munisipiu Dili Tanba kuaze 20% seidauk bele kobre simu vasina hotu tanba Ita hotu hatene kapital Dili hanesan fatin konsentradu ba ema hotu, estranjeiru sira nomós husi Munisipiu sanulu resin rua inklui RAEOA.

“Atu hatete katak atinji liu husi 60% lo’os, maibé la signifika katak ida ne’e komunidade sira iha munisipiu Dili vasina hotu ona, ita hotu hatene katak, Dili kapital ne’ebé mak fatin konsentradu ba ema hotu, estranjeiru sira mós iha ne’e, Munisipiu sanulu resin rua nomós inklui RAEOA, tanba ne’e mak ha’u preoukupa ho atinjimentu ne’e ha’u senti katak 20% ne’e Populasaun Dili seidauk bele kobre simu vasina hotu,” Hateten Direktora Saúde Munisipiu Dili ba jornalista sira iha Suku Kamea, Aldeia Bedois Bekora Dili, Kinta (07/08).

Nia dehan, Realidade ohin iha aldeia bedois ita nota katak Xefi Aldeia dehan 100% vasina ona, maibé ita tama fali uma sai uma sira barak seidauk asesu ba vasina, tanba sira sei tauk, entaun ho ida ne’e mak planu aktividade movael klinika tama sai aldeia atu garante ba populasaun sira ne’e mak sei tauk hela de’it iha uma, maibé lori saude ne’e besik mai ho lori inforamsaun di’ak mai atu bele esplika ba populasaun hodi komprede atu bele foti desijaun.

Nia dehan, Populasaun iha Suku Kamea, Aldeia Bedois barak seidauk simu vasina tanba informasaun hoax ne’ebé dehan vasina ne’e halo sira mate, laiha oan, tinan 3-4 ne’e mate ona, ida ne’e mak dumina tiha ona komunidade sira nia hanoin, entaun ita hein de’it iha postu vasina ne’ebé mak ita estabelese dala ruma sira laba.
“Ita hotu hare’e lori de’it mai iha aldeia mós sira sei trauma no la ba simu vasina, ita mai tiha aldeia ida ne’e mós sira lubuk ida mak la ba no sira la hetan informasaun duni nafatin HOAX ne’e iha sira nia hanoin difisil oitoan atu foti desijaun tanba iha Munisipiu Dili senti katak populasaun 20% ne’e ita seidauk bele kobre hotu,” Salienta nia.

Nia Relata, Ministeriu Saude iha esperansa no husu ema hotu inklui populasaun iha Dili no iha aldeia sira, bainhira kuandu rona avizu atu halo aktividade mobael Klinik halo favor hakbesik a’an ba tanba desijaun imi foti iha aan rasik, maibé imi iha direitu atu bele asesu informasaun ida ne’ebé ho lo’os.

“Mobael klinik ne’e hahu desde loron 27 setembru iha Bairo Pite, aldeia hamutuk-26 ne’e ita tama sai ona, ida ne’e sai susesu ne’e mak loke tan aproveita despaisu Primeiru Ministru koloka membru Governu sira mai ita loke tan mai Kristo Rei atauru no metinaru,” Subliña nia. (BT)