DÍLI----Governu Liu Husi Vise-Primeira Ministra (V-PM) no atual Ministra Solidaridade Sosial no Inkluzaun (MSSI) tun direita hodi halo sosializasaun informasaun ba Kampaiña Vasinasaun iha Suku Kamea, Aldeia Bedois, Postu Administrativu Cristo Rei Munisipiu Dili.

Tuir Vise Primeira Ministra (V-PM) no Ministra Solidaridade Sosial no Inkluzaun(MSSI), Armanda berta dos Santos, Hatete, Ohin mai iha Suku Kamea Aldeia Bedois, Postu Administrativu Kristu Rei, Munisipiu Dili atu oinsa halo Sosializasaun ba Kampaiña Vasinasaun atu nune’e populasaun sira ne’ebé mak seidauk vasina bele hakbesik aan mai simu vasina.

“Objektivu ida ohin mai iha Suku Kamea Aldeia Bedois Postu Administrative Kristu Rei ne’ebé mak ita halo sosializasaun ba kampaiña vasinasaun nian atu nune’e ita nia ema sira ne’ebé mak seidauk vasina bele hakbesik aan mai hodi simu vasina,” Hateten Vise Primeira Ministra Armanda Berta Dos Santos ba jornalista sira iha Bedois Bekora Dili, Kinta (07/08).

Nia hatutan, Iha kristu Rei ne’e Alvun ne’ebé mak atu simu vasina ne’e 9 mill ital mak atu bele simu vasina, entaun ho ida ne’e 4 mill ital mak simu ona hela 5 mill ital mak seidauk simu inklui mós suku kamea.

“Ohin ita mai ho Pesoál Saúde sira tun mai rona informasaun kona ba vasinasaun nian husi Doutor sira, Mediku sira, oinsa atu bele reforsa di’ak liu tan kampaña vasinasaun iha ita nia Nasaun, tanba ida ne’e mak la’os MSSI de’it mak tun iha terenu, maibé envolve Membru Governu sira hotu koloka ona ba iha kada munisipiu sira atu bele halo kampaña vasinasaun ida ne’e tanba ita hare’e mós ba nia tarjetu no hare’e mós ba oinsa mak atu bele prevene moras ida ne’e iha ita-nia nasaun, entaun ita presija duni populasaun simu vasinasun,” Dehan nia.

Nia dehan, Governu esforsu oinsa evita moras covid-19 ne’e iha Nasaun ne’e, ho ida ne’e mak Governu ho membru tomak atu bele hare’e ba ita-nia komunidade sira nia saúde hodi bele evita moras ida ne’e husi ita-nia le’et, tanba ida ne’e mak governu esforsu tomak hodi bele halo ligasaun ho Nasaun vizinu sira hodi fornese vasina ne’ebé mak bele implementa iha Timor-Leste hanesan ida mak Astrazeneca, tuir mak Sinovac, maibé Sinovac naton de’it, entaun ita hein fali ba segundu faze nian.

Agora dadaun maioria ho astrazeneka ne’ebé mak apoiu husi Governu Australia, sira husik hela sira nia populasaun atu fó vasina ne’e mai hodi salva ita nia komunidade sira iha Timor-Leste, tanba ne’e mak sira fornese vasina ida ne’e atu ita hotu simu hodi bele evita moras Covid-19 ne’e husi ita nia a’an.

Nia sublina, Servisu ne’e hotu Governu sei la taka matan importante ba nia povu sira, sekarik Vasina ida ne’e mak la di’ak, entaun Governu rasik Labele simu, Embaixador Australia de’it mós simu iha lansamentu primeiru hamutuk ho Primeiru Ministru, Prezidenti Parlamentu no Vise-PM rasik.

Iha sorin seluk, Xefi aldeia Bedois, Jose Perreira C. de Carvalho, hatutan, Suku kamea Aldeia Bedois nia populasaun uma kain hamutuk 276 ho nia total populasaun hamutuk 1.636, dadus ida ne’e iha tinan 2019, aldeia bedois ema ne’ebé mak agora vasina dadus ne’ebé mak hetan hamutuk-777, sei falta tan balun.

“Suku kamea aldeia bedois nia populasaun uma kain hamutuk 276, ho nia total populasaun hamutuk 1.636 dadus ida ne’e mak ha’u hetan iha tinan 2019, atu hakarak hatete katak, aldeia bedois ema ne’ebé mak agora vasina dadus ne’ebé mak ha’u hetan hamutuk-777, sei falta tan balun,” Hatutan Xefi aldeia bedois Jose Perreira C. de Carvalho

Nia afirma, Kona ba tanba saida mak populasaun balun hakarak vasina no balun lakohi atu simu vasina, iha primeiru Xefi aldeia ne’e mós rona vasina atu tama ne’e nonton televisaun hare’e notisia barak halo ema sai trauma no tauk atu simu vasina. “Maibé ha’u hanoin la iha governu ida atu oho fali nia populasaun ida ne’e la iha, entaun koalia hamutuk fali verenus iha aldeia bedois ne’e, di’ak liu programa saúde mai vasina iha aldeia ne’e katak, iha data fiksu atu tuir vasina, tanba vasina ne’e di’ak, governu ida seidauk atu oho nia populasaun,” hakotu Xefi Aldeia. (BT)