DÍLI----Ministru Edukasaun Joventude no Desportu (MEJD) Armindo Maia, Hatete, Ohin seremonia asina akordu kooperasaun entre MEJD ho Banku Nasionál Komersiu Timor-Leste (BNCTL-sigla portugés) atu oinsa apoiu liuhusi extende servisu bankaria ba grupu komunitariu iha Munisipiu sira iha ambitu programa kontrusaun no rehabilitasaun infraestrutura edukativa.

“Ohin loraik ita hotu mai hamutuk iha ne’e atu partisipa no sasin ba seremonia asinatura akordu MoU entre MEJD ho BNCTL kona ba atu loke bankaria aumesmu tempu oinsa mak tranfere osan ba BNCTL liu husi MEJD ba OJE 2021 ne’ebé aloka ba konstrusoens infraestrutura edukativa atu eskola liu husi tranferensia publika, numeru total eskola ne’ebé sei reabilita no konstrui 204 eskola ho numeru sala de aula 657 ho osan total Miloens $20 ital,” Hateten Ministru Edukasaun Joventude no Desportu Armindo Maia, liuhusi diskursu iha salaun MEJD Díli, Kuarta (06/10).

Nia hatutan, Orsamentu ne’e atu hadia ita nia eskola sira iha teritoriu laran tomak prosesu ne’e lao kleur ona espera katak fula ida tan hanesan ne’e balun bele hahú ona atu nune’e bainhira tama tinan 2022 karik Marsu ho Abril hanesan ne’e hotu-hotu bele remata ona.

Nia dehan, Ita hetene katak ita-nia eskola barak presiza hadia iha Timor laran tomak foin loron hirak liu ba iha parte Lolotoe ne’eba iha eskola ida ne’ebé anin hu’u kalen sobu sai hotu, ita presiza apoiu emerjensia, maibé mezmu ho orsamentu ida ne’e mos ita hatene katak eskola barak sedauk sufisiente para atu kompre, tanba ne’e mak ba tinan 2022-2023 mos ita sei iha orsamentu ida husi laran bens ne’ebé ho banku mundial, entaun ita espera katak sira ne’ebé la kobre ho orsamentu ida agora dadauk ne’e bele 2022-2023 sei bele tuir fali mai.

“MEJD deside fo konfiansa ba BNCTL hanesan banku estadu ninian ita konserteja konfiansa nia mos iha responsabilidade, tanba ne’e mak ha’u espera katak BNCTL ne’ebé sei jere osan Miloens $20 ital ne’e bele jere ho didiak atu nune’e ita nia grupu komunitariu sira ne’ebé sei konstituidu kundu mai halo levantamentu bele halo kona ba servisu tratamentu, bele simu sira ho didiak, ita hakarak buat ne’e labele operesia demais atu aselera prosesu ida ne’e, ha’u espera katak koperasun ne’e sei lao diak atu nune’e ita bele tulun lalais ita nia labarik sira iha area rurais ne’ebé presiza eskola ne’ebé diak atu nune’e ita hakarak edukasaun ne’ebé diak ba ita nia oan sira atu nune’e bele harii nasaun ida ne’ebé diak no nasaun ne’ebé forte,” dehan nia

Iha sorin seluk, Diretor ezekutivu CEO BNCTL, Brigido Sousa, Hatutan, Lori BNCTL nia naran hakarak hatoo parabens ba servisu ne’ebé MEJD halo no partikularmente iha inisiativa ida ne’e atu ajuda ita-nia eskola no hadia ita-nia eskola sira liuhusi atividade envolvimentu husi grupu komunitariu sira, Signifika katak ita-nia ema rasik mak sei halo no envolve atividade sira ne’e no BNCTL hakarak hatoo apresiasaun bot teb-tebes ba fiar ne’ebé husi MEJD fo mai BNCTL tanba projetu ne’e, projetu ida ne’ebé protejiku, projetu ida ne’ebé bot mos ho montante osan ne’ebé boot tanba ami senti katak maske iha banku haat (4) iha Timor-Leste, maibé ministeriu diside atu uza servisu BNCTL ne’e hodi fasilita servisu sira ne’e.

“Ha’u hanoin BNCTL hanesan banku estadu ita hotu nian dala ida tan ami hatudu demostra ami-nia prontidaun atu bele fasilita servisu ida ne’e no inisitiva ida ne’e, programa ida ne’e, tanba BNCTL iha meius tanba ita iha sukursais iha 12 munisipiu inklui RAEOA mais ou menus 24 unidades, entaun ita iha kapasidade para atu apoiu servisu ne’ebé kualker ministeriu iha ita nia governu hakarak atu hetan husi BNCTL,” Haktuir Diretor ezekutivu CEO BNCTL, Brigido Sousa.

Nia Haktuir, BNCTL hanoin katak grupu komunitariu sira ne’ebé ba programa konstrusaun no reabilitasaun infraestrutura edukativa ne’ebé hetan apoiu husi ministeriu atu ejekuta projetu sira kuandu osan ne’e tama ona iha BNCTL sei fasilita halo tranferensia ba sira nia konta bankaria no antes ida ne’e mos ami hamutuk ho ministeriu sei fasilita abertura konta bankaria iha BNCTL nomos fasilita kuandu bainhira sira karik atu mai foti osan iha BNCTL hodi fo atendimentu ne’ebé ita dehan referensial hanesan sira mai tanba osan barak la presiza tenki ba forma iha liña naruk, maibé husu deit para sira bele mai jestor ka konta sira ne’e bele mai iha BNCTL.

“Ami husu para bele informa banku antrian nune’e banku bele preparadu hodi nune’e bele fo atendimentu ne’ebé diak , lalais nune’e projetu ida ne’e ita espera katak bele ejekuta ho lalais tanba banku mos halo birokrasia oi-oin entaun signifika katak bele iha impaktu ba ejekusaun ba projetu ida ne’e ho Suabe, entaun ida ne’e mak BNCTl hakarak atu hatoo ami nia kompremisiu katak ami sei ajuda,ami sei fasilita servisu ida ne’e no ita hatene katak projetu komesa husi ohin ita asina too tinan 2022 entaun projetu ida ne’ebé ba longu prazu uituan no BNCTl dala ida tan hatoo nia protidaun no kompresmisiu atu apoiu programa ida ne’e too nia finalidade rejultadu ne’ebé ita hotu hein,” Tenik nia

Nia Afirma, Ne’e laos projetu ida ba BNCTL atu buka lukro, maibé ne’e servisu ida ne’ebé BNCTL halo para atu ajuda ita nia komunidade sira, ajuda ita nia governu atu bele halo ejekuta programa sira ne’ebé trasadu tiha ona espera katak programa ne’e sei lao diak no bele hetan susesu ne’ebé ita hotu espera. (BT)